ოფიციალურად : ისლა “იუვენტუსში” დაბრუნდა

ტურინის “იუვენტუსის” საკუთრებაში მყოფი ნახევარმცველი, მაურისიო ისლა ბიანკონერებში დაბრუნდა.ინგლისის პრემიერლიგიდან ჩემპიონშიფში დაქვეითებულმა “ქუინზ პარკ რეინჯერსმა” არენდით აყვანილი მოთამაშეების გამოსყიდვა არ ისურვა და ისლას გარდა, ყოფილ კლუბებს ნიკო კრანჩარი, ედუარდო ვარგასი და მაურო სარატე დაუბრუნდებიან.აქვე გეტყვით, რომ ისლამ ლონდონელთა რიგებში 26 მატჩი ჩაატარა, 24 ძირითად შემადგენლობაში, თავი კი არ გამოუჩენია.

გაგრძელება »

დიბალა ტურინშია და ხვალ სამედიცინო შემოწმებას გაივლის

იტალიური პრესის მიერ გავრცელებული ინფორმაციით, პაულო დიბალა დღეს საღამოს ტურინში ჩაფრინდა და ხვალ სამედიცინო შემოწმებას გაივლის.ჯერ კიდევ “პალერმოს” საკუთრებაში მყოფ ფეხბურთელს ბიანკონერებთან პირადი კონტრაქტის დეტალები შეთანხმებული აქვს და კლუბთან ხელშეკრულებას ხვალ შუადღით უნდა მოეწეროს ხელი.ჯუზეპე მაროტას არგენტინელი ფორვარდის ტრანსფერი დაახლოებით 40 მილიონი ევრო დაუჯდა, პირადად მოთამაშის ანაზღაურების შესახებ კი ცნობები ჯერ არ გავრცელებულა.22 წლის წინახაზელს პრესას სავარაუდოდ ხუთშაბათს ან პარასკევს წარუდგენენ.აქვე გეტყვით, რომ ხვალვე სამედიცინო შემოწმებაზე ელიან სამი ხედირას, რომელმაც ასევე კონტრაქტი უნდა გააფორმოს ტურინელებთან.

გაგრძელება »

მაროტა:”არ ვაპირებთ წამყვანი ფეხბურთელების გასხვისებას”

ჟურნალისტებთან საუბარში ბეპე მაროტამ გარკვეულ სატრანსფერო მიზნებზე ისაუბრა:“ხედირა უდაოდ საინტერესო ფიგურაა, რომელსაც ამჟამინდელი კონტრაქტი უმთავრდება რეალთან. ანალოგიურ მდგომარეობაშია ფლორენციელთა კიპერი ნეტო.. ჩვენ კი ვეცდებით ამ შესაძლებლობების გამოყენებას. ტევესს 2016 წლამდე აქვს ხელშეკრულება.. ბუნებრივია ჩვენ ვეცდებით მის შენარჩუნებას, მაგრამ ფეხბურთელი თავად წყვეტს მომავალს. ჩემპიონთა ლიგის ფინალის შემდეგ მას აუცილებლად შევხვდებით და ეს საკითხი ერთხელ და სამუდამოდ გაირკვევა. იმედს გამოვთქვამ, რომ ჩვენი თანამშრომლობა გაგრძელდება მომავალშიც. დიბალა? არიან მოთამაშეები, რომლებიც დიდ ინტერესს აგვღვიძრავენ, მაგრამ საუბარი რაიმე ხელშეკრულების ოფიციალურ გაფორმებაზე ჯერჯერობით უადგილოა. არანიარი შეთანხმება ძამპარინისთან და თავად ფეხბურთელთან არ არსებობს. მოლაპარაკებები მიმდინარეობს, მაგრამ ოფიციალურ დადასტურებამდე ჯერ კიდევ დროა. ძაძა და ბერარდი იტალიაში ერთ-ერთი ყველაზე მოთხოვნადი დუეტია და გვსურს მათი შენარჩუნება.. თუმცა, ამისთვის სასუოლოსთან უნდა მივაღწიოთ შეთანხმებას. რაც შეეხებათ ვიდალს და პოგბას, ჩვენი მიზანია გუნდის გაძლიერება მაღალ კვალიფიციური კადრებით.. ასეთ დროს კი პირველ რიგში არსებული შემადგენლობა უნდა შევინარჩუნოთ.. შედეგად არ ვაპირებთ ლიდერებთან დამშვიდობებას”.

გაგრძელება »

ხედირას უახლოეს საათებში ტურინში ელიან

სამი ხედირას ტურინის “იუვენტუსთან” კონტრაქტის გაფორმებამდე სამედიცინო შემოწმება აშორებს.სკაი სპორტის მიერ რამდენიმე წუთის წინ გავრცელებული ინფორმაციის თანახმად, გერმანელ ფეხბურთელს ტურინის აეროპორტში უახლოეს საათებში ელიან, რის შემდეგაც 28 წლის ნახევარმცველი ფორნაკას კლინიკაში ექიმებთან შემოწმებას გაივლის და დადებითი პასუხის შემთხვევაში, კლუბთან კონტრაქტს გააფორმებს.როგორც სჩანს, ფაბიო პარატიჩის გერმანიაში ვიზიტმა უშედეგოდ არ ჩაიარა, დეტალები მოთამაშესთან შეთანხმებულია და ხელშეკრულების თანახმად, ხედირას წლიური ანაზღაურება ბიანკონერებში ოთხი მილიონი ევრო იქნება.

გაგრძელება »

ნეტო : “იმედი მაქვს, კვირის ბოლოს ყველაფერი ცნობილი გახდება”

ტურინის “იუვენტუსი” ზაფხულის სატრანსფერო ფანჯრის პერიოდში კიდევ ერთი თავისუფალი აგენტის, ბრაზილიელი ნეტოს დამატებას აპირებს.ჯერ კიდევ “ფიორენტინას” მეკარეს იებთან კონტრაქტი 30 ივნისს ეწურება და გადაწყვეტილია, რომ 25 წლის ფეხბურთელი ხელშეკრულების გახანგრძლივებას არ აპირებს : “ვინჩენცო მონტელასთან პრობლემები არასდროს არ მქონია, მასთან იდელური ურთიერთობა მაქვს, მწვრთნელმაც და კლუბმაც ჩემი გადაწყვეტილების შესახებ დიდი ხანია იციან.მომავალი კლუბის საკითხს პირადი აგენტი მოაგვარებს, მას ვენდობი და იმედი მაქვს, კვირის ბოლოს ყველაფერი გახდება ცნობილი.იმედია, შემოთავაზებები იქნება, მე კი ისღა დამრჩენია, ჩემთვის საუკეთესო ვარიანტი ავირჩიო”. აქვე გეტყვით, რომ ბიანკონერებს მეორე და მესამე მეკარეებს, მარკო სტორარისა და რუბინიოს კლუბთან კონტრაქტი 2015 წლის 30 ივნისს ეწურებათ, შესაბამისად, ჯუზეპე მაროტას ჯიჯი ბუფონის შემცვლელებზე საფიქრალი ნამდვილად აქვს.

გაგრძელება »

მაროტა ნაინგოლანის შეძენას აპირებს..

იტალიურ პრესაში გავრცელდა ინფორმაცია, რომლის თანახმადაც ბიანკონერი ხედირას ტრანსფერის პარალელურად რაჯა ნაინგოლანის გადმობირებასაც ეცდება. ბელგიელი შუახაზელის მიმართ იტალიის მოქმედი ჩემპიონები ჯერ კიდევ მისი კალიარიში ასპარეზობის დროს დაინტერესდნენ. მიუხედავად იმის, რომ ფეხბურთელი პროდუქტიულად ასპარეზობს დედაქალაქელთა რიგებში ჯერჯერობით მხარეები ვერ აგვარებენ კონტრაქტის დეტალებს. შეგახსენებთ, რომ რაჯა არენდის წესით ასპარეზობს რომაში. მაროტა კი სწორად ამ ფაქტორის გათვალისწინებით აპირებს მოლაპარაკებებში ჩართვას. 3.5 მილიონი ევრო ბონუსების გათვალისწინებით.. სწორედ ამითი ეცდება ბეპე ნაინგოლანის დათანხმებას. უახლოეს ხანებში ჩვენ უფრო დაწვრილებითი ინფორმაცია გვექნება მოლაპარაკების შესახებ.

გაგრძელება »

გატუზო: “იუვეს” ცოტა იღბალი სჭირდება”

ვეტერანი იტალიელი ფეხბურთელი ჯენარო გატუზო გამოეხმაურა ჩემპიონთა ლიგის თემას და “იუვენტუსს” მხარდაჭერა გამოუცხადა: “მე როგორც იტალიელი, მხარს ვუჭერ იტალიურ გუნდს და იმედი მაქვს, “იუვენტუსი” მოიგებს ჩემპიონთა ლიგას, მიუხდედავად იმისა, რომ უძლიერეს გუნდს ხვდება და საკმაოდ რთული იქნება ეს. აუცილებლად უნდა მივულოცო ალეგრის და გუნდს ასეთი მშვენიერი სეზონი; სულ ცოტა იღბალი, და მოულოდნელიც შეიძლება მოხდეს.” გატუზოს ასევე ჰკითხეს, ახალგაზრდა იუვენტინო სტეფანო სტურაროზე, თუ ამსგავსებდა მას თავის თავს, რაზეც ჯენარომ უპასუხა: “ის უფრო თავდასხმისკენ მიდის, მე უფრო დაცვისკენ ვიყავი. ის ჩემზე მეტად ტექნიკურია, მე უფრო თავზეხელაღებული და გამბედავი ვიყავი. მე უფრო ნაინგოლანს ვამსგავსებ თავს, თუ ის კარგ ფორმაშია, საკმაოდ ძლიერად თამაშობს.” გაგრძელება »

ბუფონი: “ისევ ბერლინში”

ჯიჯი ბუფონი MediaSet-თან ინტერვიუში საუბრობს ჩემპიონთა ლიგის მოსალოდნელ ფინალზე და მათ მეტოქეზე: “ბარსელონას” წინააღმდეგ ჩვენი შანსები ალბათ 35%-ზე დაბალია, თუმცა ჩვენც გვაქვს ჩვენი კოზირები და მათ გამოყენებას ვეცდებით. “რეალთან” შეხვედრის წინ მეტოქე ჩვენზე ერთი მეტრით იყო წინ, მაგრამ ორი შეხვედრის ჯამში ჩვენ გავასწარით ერთი სანტიმეტრით. ათი წლის შემდეგ ასეთ წარმატებას მივაღწიეთ მეგობრებთან, ხელმძღვანელობასთან და ქომაგებთან ერთად და ეს დიდებულია. უბრალოდ მშვიდად უნდა აღვნიშნოთ სირთულეები, რაც წინ გველოდება და ფსიქოლოგიური სიმტკიცე შევინარჩუნოთ, როცა გვესმის, რომ მეტოქე გადაგვყლაპავს და არც გადაცდება. ახლა ცხრა წლის შემდეგ ისევ ბერილნში ვბრუნდებით და ვნახოთ, რა გველოდება: შეგრძნება კი დიდად არ განსხვავდება იმისგან, რაც ცხრა წლის წინ იყო.” გაგრძელება »

პარატიჩი გერმანიაში ხედირას აგენტს შეხვდება

ჯანლუკა დი მარციოს ოფიციალური ვებ-გვერდის ცნობით, ტურინის “იუვენტუსის” წარმომადგენელი, ფაბიო პარატიჩი დღეს გერმანიაში ჩაფრინდება და სამი ხედირას აგენტს, იორგ ნოიბერს შეხვდება.ბიანკონერებს 28 წლის ნახევარმცველის დამატება სერიოზულად აქვთ გადაწყვეტილი და მაქსიმალურად ცდილობენ, შეთანხმებას ჩემპიონთა ლიგის ფინალამდე მიაღწიონ.მაროტა/პარატიჩის დუეტს სჯერა, რომ ხედირას სამწლიან კონტრაქტზე დაიყოლიებენ, რომლის მიხედვითაც ფეხბურთელის ანაზღაურება წლიური ოთხი მილიონი ევრო იქნება.დღეს დილით გავრცელებული ინფორმაციის თანახმად, სიტყვიერი შეთანხმება მხარეებს შორის უკვე არსებობს და მხოლოდ სამედიცინო შემოწმების გავლაა დარჩენილი.აქვე გეტყვით, რომ მიუხედავად მადრიდის “რეალში” სათამაშო დროის ნაკლებობისა, იოჰამ ლიოვმა ხედირას სანაკრებო შეკრებაზე მაინც უხმო.

გაგრძელება »

ბარძალიმ შესაძლოა ფინალში ითამაშოს

ანდრეა ბარძალიმ დღეს დილით სამედიცინო შემოწმება გაიარა. მაგნიტურმა რეზონანსმა აჩვენა პირველი დონის  მარჯვენა ბარძაყის კუნთის გაჭიმვა.ანდრეა 6 ივნისამდე თერაპიულ კურსს გაივლის და ყოველ დღე ჩაუტარდება გამოკვლევა. “იუვეს” ექიმები ყელაფერს გააკეთებენ, რათა იტალიელმა ფინალურ შეხვედრაში მიიღოს მონაწილეობა.  გაგრძელება »