ბონუჩი: ” ვამაყობ რომ “იუვენტუსში” დავრჩი “

ლეონარდო ბონუჩიმ გამოჩენილი ინტერესისათვის სანკტ-პეტერბურგის “ზენიტს” მადლობა გადაუხადა. სატრანსფერო ფანჯრის დახურვის მიჯნაზე 24 წლის მცველს რუსულ მხარეს ინტენსიურად უკავშირებდნენ, მაგრამ “იუვენტუსმა” ფეხბურთელის გაყიდვა არ ისურვა: ” “ზენიტი” მართლაც ინტერესდებოდა, მაგრამ ჩემი ნომერ პირველი სურვილი ყოველთვის ტურინში დარჩენა იყო. ცხადია, მიხარია “ზენიტის” დონის გუნდის ყურადღება, თუმცა ვამაყობ, რომ ისევ “ბიანკონერების” ღირსებას დავიცავ. გასულ სეზონში “იუვენტუსის” ახალი პროექტის ნაწილი გავხდი და ნამდვილად დასანანი იქნებოდა, რომ გუნდი ასეთი მნიშვნელოვანი სეზონის სტარტზე დამეტოვებინა. ფანებთან ურთიერთობის გამოსწორება გვსურს, ახლა მთავარი იმ წარსული წარუმატებლობის რეაბილიტაციაა, რომელიც დღემდე გვტკივა. ” -აცხადებს ბონუჩი. გაგრძელება »

მაროტა სატრანსფერო პოლიტიკაზე საუბრობს

სერია ა-ს კლუბების შეკრებაზე , ჯუზეპე მაროტამ , ჟურნალისტების მიერ დასმულ რამდენიმე შეკითხვას უპასუხა : ” ჩვენს მიერ განხორციელებული ტრანსფერები ? სიმართლე გითხრათ , ამ ეტაპზე ზუსტად ის დაცვის ხაზი გვყავს , რომელსაც შეუძლია კონკრეტული სეზონისთვის მაღალ დონეზე ასპარეზობა . ვეცადეთ მის კიდევ უფრო გაძლიერებას , მაგრამ ჩვენს ხელთ არსებული ფეხბურთელები გაცილებით ძლიერები არიან , ვიდრე ისინი ვისთანაც ვაწარმოებდით მოლაპარაკებებს . ვფიქრობ , ნაბიჯ ნაბიჯ , ვამცირებთ სხვაობას ჩვენსა და სერია ა-ს ლიდერებს შორის , ამასთან ერთად მე მჯერა გუნდის და ანტონიო კონტესი ! “ … ( გაგრძელება სრულიადში )

გაგრძელება »

დეშამი: “მსურს “იუვე” მწვერვალზე ვნახო “

ტურინის “იუვენტუსის” ექს ფეხბურთელმა და ყოფილმა მწვრთნელმა, რომელმაც გუნდი სერია ბ-დან უმაღლეს დივიზიონში დააბრუნა დღეს “იუვენტუსსა” და ანტონიო კონტეზე ისაუბრა: “კლუბი აშკარად შეიცვალა, მოვიდნენ ახალი ფეხბურთელები, გუნდი განახლდა, თუმცა მოედანზე მათ ერთად ჯერ ერთი წუთიც კი არ გაუტარებიათ, ამიტომ ბევრი არაფრის თქმა არ შემიძლია. ამ ეტაპზე, გუნდი განახლების გზაზეა და მე მჯერა, ანტონიო კონტე წარმატებას მიაღწევს. ის იცნობს ტურინულ ატმოსფეროს, იცის კლუბის “სამზარეულოს” შესახებ და სამწვრთნელო გამოცდილებაც ჩინებული აქვს. ვფიქრობ, რთული იქნება, თუმცა ყველაფრის მიღწევა შეიძლება, მსურს “იუვე” კვლავინდებურად მწვერვალზე ვიხილო…” აცხადებს tuttojuve.com -თან საუბარში ფრანგი მწვრთნელი.  გაგრძელება »

ელია: ” “არსენალი” ცდილობდა ჩემს გაფორმებას”

ჰოლანდიელი ვინგერი, ელჯერო ელია აცხადებს, რომ ლონდონის “არსენალი” იყო დაინტერესებული მისი ტრანსფერით, სანამ ის “იუვენტუსის” ფეხბურთელი გახდებოდა. ” ჩემს აგენტს ჰქონდა კონტაქტი “არსენალთან” და ეს საკმაოდ დიდ ხანს გრძელდებოდა, თუმცა პირადად მე არსენ ვენგერთან არანაირი კავშირი არ მქონია. ასევე იყო კონკრეტული წინადადებები “ფულემისგან”, “უიგანისგან”, “ევერტონისგან” და ნიუკასლისგან”. ” – განუცხადა ელიამ სააგენტო “onsoranje”-ს. გაგრძელება »

პაციენცამ ტრავმა მიიღო

ტურინის “იუვენტუსის” ნახევარმცველმა, მიკელე პაციენცამ გუშინდელი ვარჯიშის დროს ცხვირში ძლიერი დარტყმა მიიღო.იტალო/არგენტინელი ფეხბურთელის მდგომარეობა დღეს, სამედიცინო შემოწმების გავლის შემდეგ დადგინდება.

გაგრძელება »

მაროტა: ” მცველის ყიდვა საჭიროდ არ ჩავთვალეთ “

სატრანსფერო ციებ-ცხელების პიკში “იუვენტუსს” არაერთ ფეხბურთელს უკავშირებდნენ, მაგრამ მათგან გამორჩეულად ჟურნალისტების ყურადღებას ცენტრალური მცველები იპყრობდნენ. “იუვენტუსის” გენერალური დირექტორი ჯიუზეპე მაროტა ამ ტრანსფერის განუხორციელებლობის მიზეზებზე საუბრობს: ” დაცვითი ამპლუის ფეხბურთელების ყიდვის შანსი ნამდვილად გვქონდა. მაგრამ მაინც გადავწყვიტეთ გათვლა უკვე ჩვენს რიგებში არსებულ მცველებზე გაგვეკეთებინა, სორენსენს, კიელინის, ბონუჩისა და ბარცალის ვგულისხმობ. ევროთასებზე არ ვმონაწილეობთ და ამან გვაფიქრებინა, რომ ეს ფეხბურთელები სრულიად საკმარისია ჩვენთვის. ეჭვი არ მეპარება, ისინი ჩვენი გადაწყვეტილების სისწორეში დაგვარწმუნებენ. ” -განაცხადა მაროტამ La Gazzetta Dello Sport -თან საუბარში. გაგრძელება »

პასკუატო:” მე დიდი ენთუზიაზმით მივიღე ახალი გამოწვევა “

asdmsadბოლო წლების ერთ-ერთი საუკეთესო პრიმავერელი, კრისტიან პასკუატო, რომელიც “ლეჩეში” არენდით გადაბარგდა, თავის ემოციებზე და გეგმებზე საუბრობს: “მე დიდი ენთუზიაზმით მივიღე ახალი გამოწვევა. სანამ გადაწყვეტილებას მივიღებდი, გავესაუბრე ჩემს თანაგუნდელებს და ასევე “ლეჩეს” ფეხბურთელებსაც, მათი სიტყვების შემდეგ გადავწყვიტე არენდაზე დავთანხმებოდი . ახალგაზრდა ფეხბურთელისთვის ეს იდეალური ადგილია. მინდა, რომ ჩემი თავი კარგად წარმოვაჩინო ახალ სეზონში და შემდეგ “იუვენტუსში” დავბრუნდე” .
გაგრძელება »

ელია:”იუვენტუსში” გადმობარგება სნეიდერმა მირჩია”

“იუვენტუსის” ახალწვეულმა, ელჯერო ელიამ, La Gazzetta dello Sport – ს ინტერვიუ მისცა, სადაც აღნიშნა, რომ ტრანსფერის წინ რჩევა ძალიან ბევრ ადამიანს ჰკითხა, მათ შორის თავის თანამემამულე უესლი სნეიდერსაც:“მრავალ ადამიანს ვესაუბრე “იუვენტუსში” გადმოსვლის წინ და აბსოლუტურად ყველამ იტალია ძალიან კარგად დამიხასიათა. ჩემმა თანამემამულე სნეიდერმა მითხრა, რომ ეს ქვეყანა ძალიან მომეწონებოდა. უესლიმ ძალიან ბევრი კარგი რამ მითხრა “იუვენტუსზე”. რაც შეეხება ჩემს დებიუტს, ერთი სულ მაქვს, ალესანდრო დელ პიეროსთან ერთად მოედანზე როდის გავალ.” – დაასრულა ელიამ. გაგრძელება »

ბრწყინვალე 11 – ალესანდრო ბირინდელი

იტალიელი ექს ფეხბურთელი გამოირჩეოდა თავისი სისწრაფითა და ზუსტი გადაცემებეთ. მოედანზე ის ყოველთვის ბოლომდე იხარჯებოდა და ყოველთვის ნამდვილი “იუვენტინო” იყო. მაშინაც კი, როცა ტურინული გრანდი სერია ბ-ში დააქვეითეს ბირინდელიმ არ მიატოვა კლუბი და დარჩა მასთან ერთად სერია ბ-ში… ის ხომ გუნდის ვიცე-კაპიტანი გახლდათ… მაგრამ სანამ ალესანდრო აქამდე მოვიდოდა, მან ძალიან გრძელი და შრომატევადი გზა განვლო. რომელიც აღსავსე იყო ბევრი სიხარულითა და ბევრი იმედგაცრუებით. მოდით, თხრობა სულ თავიდან დავიწყოთ, ამისათვის იტალიის უმშვენიერეს ქალაქში, პიზაში მოგვიწევს გამგზავრება პაოლო და ემინია ბირინდელების ოჯახში… გაგრძელება »

სეზონი 2011/12 10-11 სექტემბერს დაიწყება

იტალიის საფეხბურთის ფედერაციამ, პროფესიონალების ეროვნულმა ლიგამ და იტალიელ ფეხბურთელთა ასოციაციამ დღევანდელ შეხვედრაზე პრინციპულ შეთანხმებას მიაღწიეს.გადაწყდა, რომ სეზონი 2011/12 10-11 სექტემბერს დაიწყება და “პირველ” მატჩებად აქამდე დაგეგმილი კალენდრით მეორე ტურის შეხვედრები გაიმართება.

გაგრძელება »