აგენტი: ” ოსვალდოთი “იუვენტუსი” ინტერესდება “

“ესპანიოლის” ფორვარდის სერხიო ოსვალდოს აგენტი საკუთარი კლიენტის მომავალზე საუბრობს. დარიო დეკუდის თქმით ფეხბურთელს იტალიაში დაბრუნების სურვილი აქვს, მისი კანდიდატურით კი ერთდროულად ორი აპენინური კლუბი, კერძოდ კი “ინტერი” და “იუვენტუსი” ინტერესდება: ” ჩემი კლიენტი იტალიაში დაბრუნებას ისურვებდა, “იუვენტუსი” და “ინტერი” კი ორი უდიდესი კლუბია. გუნდი 20 მილიონს ითხოვს, მაგრამ, ვფიქრობ, 15 ან 16 მილიონი საკმარისი იქნება. იტალიელების გარდა, “ტოტენჰემი” და მადრიდის “ატლეტიკოც” აქტიურობენ, თუმცა ტრანსფერზე საუბარი ჯერ ალბათ ადრეა, სერხიო ახლა ისვენებს. ” -შეგახსენებთ, რომ იტალიაში გატარებული ოთხი სეზონის შემდეგ, 25 წლის ფეხბურთელი ატლანტის ოკეანის ნაპირებზე 2009 წელს გადაბარგდა. გაგრძელება »

“იუვენტუსი” სარეკლამო კამპანიას იწყებს

“იუვენტუსი” დროს უქმად არ კარგავს. გუნდი სატრანსფერო აქტივობების გარდა სარეკლამო კამპანიაშიც ჩაება. მომავალ წელს “ბიანკონერები” ახალ სტადიონზე მოსინჯავენ ძალებს, მისი სარეკლამო ბანერი კი უკვე “მტრის ზურგში”, მილანშიც გაეკრა. იტალიის ერთ-ერთი უმსხვილესი ქალაქის მეტროში ასეთი წარწერაა: ” სტადიონი, რომელიც ფეხბურთს ცვლის. ” გაგრძელება »

“ჩოხოსანმა ბიანკონერებმა” სეზონის საუკეთესო გოლი აირჩიეს

გამოკითხვა, რომელიც ჩვენს საიტზე რამოდენიმე დღის წინ დაიწყო დასასრულს მიუახლოვდა.ბებერი ქალბატონის ქართველმა გულშემატკივრებმა აწ უკვე გასული სეზონის საუკეთესო გოლი დაასახელეს.გამოკითხვაში სულ 66 ხმა დაფიქსირდა და მათგან 24 ხმა გამოკითხვის გამარჯვებულმა მიიღო.

სრულიადში გთავაზობთ გამოკითხვის შედეგებს…

გაგრძელება »

ბუფონი : “პირლოსთან ერთად გამარჯვებებს დავუბრუნდებით”

ჯიჯი ბუფონი თვლის, რომ ანდრეა პირლოს გუნდში მოსვლით “იუვენტუსს” შეუძლია შექმნილ კრიზისს თავი დააღწიოს : “იუვენტინოების ერთადერთი მოწოდება გამარჯვებაა და იმედი მაქვს, 2012 წელს გამარჯვებულის სტატუსით შევხვდებით.არ ვიცი, რომელ ფეხბურთელზე გადის გამარჯვების გზა, შესაძლოა სწორედ პირლოზე.ანდრეა საუკეთესო ტრანსფერია, იგი გუნდს მნიშვნელოვნად გააძლიერებს.ჩემი დამოკიდებულება ? – იუვეს ხელმძღვანელობასთან შესანიშნავი ურთიერთობა მაქვს, ბიანკონერების განკარგულებაში ვრჩები.”

გაგრძელება »

აგენტი: ” მაროტას სიტყვებს ვადასტურებ “

შტეფან ლიხტშტაინერის აგენტი ბეპე მაროტას მიერ დღეს დილით თქმულ სიტყვებს ეხმაურება. ფედერიკო პასტორელო რადიო “მანა მანასთან” საუბრობს: “ “ბებერი ქალბატონის” დირექტორ მაროტას ნათქვამს ვადასტურებ. “ლაციოს” მოთხოვნებსა და “იუვენტუსის” შეთავაზებას შორის ისევ არის უმნიშვნელო სხვაობა, მაგრამ არა მგონია ეს პრობლემა ყურადღების გამახვილებად ღირდეს. ყოველ შემთხვევაში, ჩემი სურვილი ასეთია. შემიძლია დარწმუნებით გითხრათ, კვირის ბოლოს ყველაფერი გადაწყდება. ” -გავრცელებული ინფორამციის თანახმად, ტურინული მხარე ფეხბურთელში 9 მილიონ ევროს იხდის, როცა დედაქალაქელები 12 მილიონს ითხოვენ. გაგრძელება »

მაროტა ვუჩინიჩსა და აგუეროზე ალაპარაკდა

“იუვენტუსი” ახლა უკვე თავად ადასტურებს მირკო ვუჩინიჩისა და სერხიო აგუეროსადმი არსებულ ინტერესს. შეგახსენებთ, რომ უკვე დიდი ხანია ამ ორი ფეხბურთელის ტრანსფერის შესახებ ჟურნალ-გაზეთები იუწყებიან. დღეს ამ თემაზე ჯიუზეპე მაროტაც ალაპარაკდა: ” სწორედ ახლა ვფიქრობთ იმაზე, თუ რა იქნება ჩვენთვის საუკეთესო სატრანსფერო ნაბიჯი. მომდევნო დირექტორთა საბჭოს შეკრების შემდეგ ბევრად უფრო კონკრეტულები ვიქნებით. ვუჩინიჩი ნამდვილად ის ფეხბურთელია, რომელიც გვაინტერესებს, მაგრამ მონტენეგროელი “რომას” ეკუთვნის და ტრანსფერის შესახებაც მათ უნდა დავეკითხოთ. აგუეროს შესახებაც იგივე სიტუაციაა, მაგრამ იმას დავამატებ, რომ ის შესანიშნავი ფორვარდია და ვფიქრობ, ჩვენს გუნდს იდეალურად მოერგებოდა. როცა გუნდის საერთო დონის ამაღლებაზე ვსაუბრობ, სწორედ მისნაირი ფეხბურთელებიოს მოყვანას ვგულისხმობ ხოლმე. არგენტინელი დიდებული ფეხბურთელია. რაც შეეხება ლიხტშტაინერს, რომში სწორედ მის გამო ვართ, მაგრამ დიდი სიფრთხილე გვმართებს. “ლაციოსთან” მცირე უთანხმოებაა, თუმცა ლოტიტოსთან კარგი ურთიერთობის ხარჯზე მისი მოგვარების იმედი მაქვს. ” -აცხადებს მაროტა. გაგრძელება »

პრესის მიმოხილვა

იტალიური პრესის მიმოხილვა…

გაგრძელება »

მაროტა რომში ჩაფრინდა

La Gazzetta Dello Sport-ის ინფორმაციით, დღეს ჯუზეპე მაროტა რომში ჩაფრინდება, რათა დაიწყოს მოლაპარაკება ლიხშტაინერის ტრანსფერის თაობაზე, “ლაციოს” პრეზიდენტთან. მაროტა მზად არის 9 მილიონი ევრო გადაუხადოს კლაუდიო ლოტიტოს, მაგრამ ის თავის მხრივ 10 მილიონს ითხოვს.  თუ ყველაფერი მაროტას გეგმის თანახმად წავიდა, შვეიცარიელ ფეხბურთელს “იუვენტუსი” დღესვე გაიფორმებს. ასევე მოარული ხმების თანახმად, ჯუზეპე მაროტა მზად არის “რომას” შესთავაზოს ან ამაური ან იაკინტა მირკო ვუჩინიჩის სანაცვლოდ.   გაგრძელება »

ოთხშაბათს ბასტოსი “იუვენტინო” უნდა გახდეს

როგორც Tuttosport-ის დღევანდელ ნომერში არის გამოქვეყნებული, ოთხშაბათი არის ბოლო დღე, რათა ბასტოსმა შავ-თეთრი მაისური მოირგოს. შიდა მოლაპარაკებები წარმატებით არის დასრულებული, “იუვეს” და “ლიონის” ბოსები ყველაფერზე შეთახმდნენ. სავარაუდოდ მიშელ ბასტოსი 13 მილიონი ევრო დაუჯდება კლუბს და ამას დამატებული ბონუსები. გავრცელებული ჭორების თანახმად, კონტეს არ მოსწონს ბრაზილიელი და მას მირკო ვუჩინიჩს და ლუიშ ნანის ამჯობინებს. მაგრამ საბოლოოდ ეს ყველაფერი უახლოეს 2-3 დღეში გადაწყდება.  გაგრძელება »

სატრანსფერო ჭორი (პეპე)

tuttosport -ის ინფორმაციით სანკტ-პეტერბურგის “ზენიტმა” სიმონე პეპეს სანაცვლოდ “იუვენტუსს” 13 მილიონი ევრო შესთავაზა. შეგახსენებთ, რომ იტალიელი ნახევარმცველი ტურინში “უდინეზედან” არენდის გზით გადმობარგდა და მისი გამოსყიდვისათვის საჭირო კონტრაქტით გათვალისწინებული თანხა 10 მილიონ ევროს შეადგენს. იტალიური გამოცემის მტკიცებით, “ბებერი ქალბატონი” ფეხბურთელს ჯერ “ფრიულელებისგან” გამოისყიდის, შემდეგ კი რუსეთში გაასხვისებს, რის შემდეგაც მისი ყიდვა-გაყიდვით გუნდი 3 მილიონ ევროს მოიგებს. “ზენიტის” მწვრთნელი, ლუჩიანო სპალეტი უკვე მუშაობდა პეპესთან ერთად და როგორც ჩანს, მის ძალებში დარწმუნებულია. იმავე წყაროს მტკიცებით, პეტერბურგელებმა “იუვენტუსს” უკვე ოფიციალური წინადადებითაც მიმართეს. გაგრძელება »