ალბერტო ძაკერონის “ინტერის” არ სჯერა

იაპონიის ნაკრების იტალიელი მთავარი მწვრთნელი – ალბერტო ძაკერონი დღეს ღამით ტურინში გასამართ შეხვედრასთან დაკავშირებით კომენტარს აკეთებს. შეგახსენებთ, რომ ძაკერონი 2003-2004 წლების სეზონში “ნერაძურის” მწვრთნელი გახლდათ, ხოლო 2010 წლის იანვრიდან ივლისამდე “ბებერ ქალბატონს” ხელმძღვანელობდა…

“ტურინში წარმატების მიღწევის შემთხვევაში, რათქმაუნდა “ინტერი” სიტუაციას საგრძნობლად გამოისწორებს. თუმცა ფეხბურთში შემთხვევით შედეგს ვერ მიიღებ. აუცილებლია გქონდეს რწმენა და დამაჯერებლობა, რომ დაამარცხო “იუვენტუსი”. “ინტერს” კი ეს არ გააჩნია. რაც შეეხება ზოგადად ჩემპიონატს, წელს “იუვე” ძალიან მოტივირებული გუნდია, მითუმეტეს ისინი არ თამაშობენ ევროტურნირებზე, რაც აუცილებლად გასათვალისწინებელი ფაქტია. სწორედ ასეთ შემთხვევასთან გვქონდა საქმე მაშინ, როდესაც მე “მილანთან” ერთად მოვიგე სკუდეტო. ვფიქრობ, რომ ჯერ გადაწყვეტილი არაფერია და “იუვენტუსს” და “მილანს” ჩემპიონობის თანაბარი შანსები გააჩნიათ” – განაცხადა ალბერტო ძაკერონიმ.

წყარო: Football-italia