პირლო: “ვაფასებ გულშემატკივრის თანადგომას”

ანდრეა პირლოს სჯერა „იუვენტუსის“ და ანტონიო კონტესი და დარწმუნებულია, რომ ის პროგრამა მინიმუმი, რაც გუნდს თავდაპირველად ჰქონდა სეზონის დასაწყისში – ჩემპიონთა ლიგაზე მოხვედრა – აუცილებლად იქნება მიღწეული. “Hurrà Juventus”- თან ინტერვიუში იტალიელი ცენტრალური ნახევარმცველი თავის ამჟამინდელ კლუბზე საუბრობს…

„შთამბეჭდავია ანტონიო კონტეს პიროვნება. ის ყოველთვის მუშაობს და მაქსიმუმს დებს გუნდში. თამაშისას მექმნება შთაბეჭდილება,თითქოს ისიც მინდორზეა ჩვენთან ერთად. ანტონიო ცდილობს განმარტოს თითოეული დეტალი და ყველას ჩვენებური ხედვით დაგვანახოს იგი.  ვფიქრობ, რომ ეს არც თუ ისე ცუდად გამოსდის.  ვაგრძელებთ მუშაობას და ვიცით, რომ წინ საკმაოდ ბევრი გამოწვევა გველოდება.

ჩემპიონთა ლიგა? პირადად მე ეს ტურნირი ორჯერ მაქვს მოგებული, მაგრამ დღეს ვცდილობთ, რომ ჩემპიონატის ბოლოს შესაძლებლობა გვქონდეს ჩემპიონთა ლიგის გათამაშებაში მივიღოთ მონაწილეობა.

გულშემატკივარი? ჩემთვის ძალიან სასიამოვნო იყო, როდესაც თავიდანვე ჩემს ტრანსფერს გულშემატკივარი ემოციურად შეხვდა. „იუვეს“ ფანატებს სჯეროდათ ჩემი. ერთ-ერთი ფაქტორი, გასულ ზაფხულის ჩემი გადავწყვიტილებისა, სწორედ იმ გულშემატკივრის მხარდაჭერაა, რომელთა გზავნილებსაც ოფიციალურ საიტებზე ვკითხულობდი, ჯერ კიდევ მაშინ სანამ „მილანის“ ფეხბურთელად ვითვლებოდი და საუბარი მიმდინარეობდა ჩემს შესაძლო ტრანსფერზე. მე ვაფასებ გულშემატკივრის ამ მხარდაჭერას“ -აცხადებს ანდრეა პირლო.

წყარო:  TuttoSport