“არსენალი” და “იუვე” კოვაჩიჩისთვის იბრძვიან

სააგენტო “Talksport” – ის ინფორმაციით “არსენალი” და “იუვენტუსი” ახალგაზრდა ხორვატი ნახევარმცველის ხელში ჩასაგდებად იბრძვიან.

17 წლის ტალანტმა, მატეო კოვაჩიჩმა სულ რაღაც გასულ სეზონში დაიმკვიდრა ადგილი ზაგრების “დინამოს” ძირითად გუნდში და უკვე მოახერხა ევროპული გრანდების ყურადღების მიქცევა. მიმდინარე ევროპის ჩემპიონთა ლიგის საკვალიფიკაციო ეტაპზე მან ორი გოლის გატანაც მოახერხა და ამ ფაქტმა მისი ფასი საგრძნობლად გაზარდა. იტალიელები უკვე აწარმოებენ მოლაპარაკებებს, თავის მხრივ “არსენალიც” ყველანაირად ეცდება კოვაჩიჩის გაფორმებას იანვარში. ამ ტრანსფერისთვის ბრძოლა არცერთი გუნდისთვის არ იქნება ადვილი, მითუმეტეს, რომ იანვრამდე ჩემპიონთა ლიგის ჯგუფური ეტაპია და არაა გამორიცხული ფინანსურად გაცილებით ძლიერი გუნდებიც ჩაერთონ ბრძოლაში. ამჟამად ახალგაზრდა ხორვატის სატრანსფერო ღირებულება ასაკიდან გამომდინარე საკმაოდ ძვირი, 6.5 მილიონი ფუნტი-სტერლინგია, რაც დაახლოებით 7.5 მილიონ ევროს უდრის.

წყარო: fanatix