ტესერი : “რთული მატჩი გველის”

11 years ago bbakhvmalnl bbakhvmalnl

დღეს ერთმანეთს დაუპირისპირდებიან ტურინის ”იუვენტუსი” და ”ნოვარა”. ამ მატჩთან დაკავშირებით კომენტარი ”ნოვარას” მთავარმა მწვრთნელმა ატილო ტესერმა გააკეთა.
”ჩვენ დღეს საკმაოდ მძიმე და რთული მატჩი გველის. ბევრი ფიქრობს, რომ ჩვენ მხოლოდ დაცვით ფეხბურთს ვითამაშებთ, მაგრამ ეს ასე არაა. ეს არ ნიშნავს, რომ ჩვენ მაინცდამაინც 3 ქულის ასაღებად მივდივართ ტურინში, უბრალოდ მინდა ყველამ იცოდეს, რომ ჩემი ფეხბურთელები დარტყმას დარტყმით უპასუხებენ. ვეცდებით, რომ თამაში ”იუვენტუსის” ინიციატივით არ მიმდინარეობდეს. დარწმუნებული ვარ, რომ ისინი ყველა იარაღს გამოიყენებენ 3 ქულის ასაღებად.”
ატილო ტესერმა კომენტარი აგრეთვე ”ნაპოლისთან” მატჩზე გააკეთა, სადაც “ნოვარამ” ფრე (1:1) ითამაშა. ამ თამაშში ატილომ 5-3-2 ტაქტიკა გამოიყენა.
,,სტრატეგია არაა იმდენად მნიშვნელოვანი, რამდენადაც მენტალიტეტი. ჩვენ უნდა მოვახერხოთ და თამაში ჩვენი კარნახით წარვმართოთ, როგორც ეს ”ნაპოლისთან” მატჩში მოვახერხეთ”.