ბიანკონერები ეროვნულ ნაკრებებში

გუშინ ღამით სანაკრებო ბატალიები გაიმართა, რომლებშიც ტურინის “იუვენტუსის” ბევრი ფეხბურთელი იღებდა მონაწილეობას. საუბარი სკუადრა აძურითი დავიწყოთ. იტალიელებმა დაუმარცხებელი სერია ღირსეულად დაასრულეს, დაამარცხეს რა ჩრდ. ირლანდიის ნაკრები ანგარიშით 3-0. ჯორჯო კიელინიმ, ანდრეა პირლომ და ანდრეა ბარძალიმ მოედანზე სრული სათამაშო დრო, 90 წუთი დაჰყვეს, ხოლო ჯანლუიჯი ბუფონმა მეორე ტაიმის მიწურულს კარი მორგან დე სანკტისს დაუთმო.ნაკრებში გამოძახებული კიდევ  ორი ფეხბურთელი,  კლაუდიო მარკიზიო და ლეონარდო ბონუჩი მატჩს სათადარიგო სკამიდან ადევნებდნენ თვალყურს, ახალგაზრდა ლუკა მარონემ კი შთამბეჭდავი შეხვედრა ჩაატარა იტალიის ახალგაზრდულ ნაკრებში თურქეთის წინააღმდეგ( 2-0 ).

სერბი ნახევარმცველისათვის, მილოშ კრასიჩისითვის ევროტურნირების ხანგრძლივი და რთული გზა წარუმატებლად დასრულდა. სერბებმა გადამწყვეტი მატჩი სლოვენიის ნაკრების წინააღმდეგ დათმეს ანგარიშით 1-0, ხოლო ელჯერო ელიას ჰოლანდია შვედეთის წინააღმდეგ განცდილი მარცხის მიუხედავად ევრო 2012 მაინც იასპარეზებს.

მარსელო ესტიგარიბიას პარაგვაიმ მატჩი ფრედ დაასრულა ურუგვაის წინააღმდეგ, 1-1, ხოლო არტურო ვიდალის ჩილემ შესანიშნავ და უხვგოლიან დაპირისპირებაში პერუს ნაკრები 4-2 დაამარცხა.

წყარო: “იუვენტუსის” ოფიციალური ვებ-გვერდი