ForzaJuve.Ge იუვენტუსის ქართული შავ-თეთრი სამყარო

ბუფონი დიდი ენთუზიაზმით ხვდება მოახლოებულ სეზონს

გთავაზობთ , ჯანლუიჯი ბუფონის საკმაოდ ვრცელ ინტერვიუს , რომელიც მან Sky Sport 24 – ს მისცა …

იუვეს მაისურით , თქვენ მორიგ მე – 11 – ე სეზონს იწყებთ . ენთუზიაზმს გრძნობთ თუ გამომდინარე ბოლო დროინდელი შედეგებისა , უფრო მეტად შიშს ?

” ორი აზრი არაა , რომ ორი ჩაგდებული სეზონის შემდეგ დიდი ენთუზიაზმით ვხვდები ახალ სეზონს . ეს არ იყო ის იუვენტუსი , რომელიც ყველას გვახსოვს და ბუნებრივია , რომ მაქსიმალურად ვეცდებით ყველაფრის გამოსწორებას . შურისძიების სურვილი უზომოდ დიდია ყოველ ჩვენთაგანში . პატივი უნდა ვცეთ კლუბს და იმ მაისურს , რომელსაც ვატარებთ . ეს გვავალდებულებს , რაც შეიძლება მალე დავდგეთ ფეხზე . ნებისმიერ შეხვედრაში , ნებისმიერ მეტოქესთან , იუვენტუსი გამარჯვებისთვის უნდა გადიოდეს მოედანზე და ავიწროვებდეს ოპონენტს 90 წუთის განმავლობაში ” .

ზუსტად 11 სეზონის წინ გადახვედით იუვეში . როგორ განსხვავდებოდა ის გუნდი დღევანდელისგან და რა შეიცვალა ამ პერიოდის განმავლობაში ?

” საკმაოდ დიდი დრო გავიდა . თავდაპირველად ნამდვილად არ ვფიქრობდი ერთ ადგილას , ამდენი ხნით გაჩერებას , თუმცა ბედისწერამ სხვაგვარად ინება , ხოლო მე ამ ყველაფრის მწამს . ზუსტად ის გვაკლია ეხლა , რაც იმ პერიოდში ჰქონდა იუვენტუსს – გუნდი რომელსაც ძარღვებში მხოლოდ გამარჯვება უჩქეფდა და არაფერი სხვა . ყველაფერთან ერთად იმ პერიოდის შემადგენლობაში , ბევრი დიდი მოთამაშე ასპარეზობდა , დღევანდელი გუნდი კი ფაქტიურად ფერფლიდან იქმნება და აქვს პრეტენზია სამომავლოდ , რომ მოწინავე იყოს ნებისმიერ ფრონტზე “.

სხვათაშორის იმ ეპოქაში , კონტე თქვენი თანაგუნდელი იყო , დღეისათვის კი მთავარი მწვრთნელია …

” ბევრი საერთო რამ გამოჩნდა . სხვათაშორის იმ პერიოდში , ჩემზე ძალიან დიდი ზეგავლენა იქონიეს იგივე ანტონიო კონტემ , ალესანდრო დელ პიერომ , ჩირო ფერარამ და რათქმაუნდა პაოლო მონტერომ , რომელიც დიდებული პიროვნებაა . მას , ძალიან უშუალო ურთიერთობით და სიტყვებით , ბევრი რამის სწავლა შეეძლო ნებისმიერისთვის . სწორედ ამ ადამიანებმა მასწავლეს გამარჯვებების მოპოვება და სწორედ მათი დამსახურებით მივხვდი თუ რას ნიშნავს ” იუვენტუსი ” .

პირველი თვეების განმავლობაში , კონტემ თქვენ და დელ პიეროს გთხოვათ დახმარება . რაში გამოიხატებოდა ეს ?

” უპირველეს ყოვლისა , გამარჯვებების მოპოვებაში . ვფიქრობ , ეს არის უმნიშვნელოვანესი რამ რითაც მას დავეხმარებით . ამასთან ერთად , გამომდინარე იქიდან , რომ ვეტერანები ვართ , გაგვაჩნია არამარტო დიდი ავტორიტეტი , არამედ გამოცდილებაც . კარგად გვესმის , თუ რას ნიშნავს წარმოადგენდე იუვენტუსს , რას ნიშნავს ითვლებოდე მის ფეხბურთელად , რა გზით უნდა მიიღწეოდეს გამარჯვება ! ქცევით , ვარჯიშებით , მაქსიმალური თავგანწირვით , რომლითაც საბოლოო ჯამში მისაბაძი გახდები ყველასათვის ! ვფიქრობ , როდესაც დახმარება გვთხოვა , სწორედ ეს იგულისხმა ” .

ბერლუსკონის თასსზე  , მილანს რამდენიმე წამყვანი მოთამაშე აკლდა : იბრა , პატო , ტიაგო სილვა , რობინიო . თქვენი აზრით , მილანი ყველაზე წინ იმყოფება ამ ეტაპზე ?

” დიახ . ეს ასე რომ არ იყოს , ისინი ვერ შეძლებდნენ ჩემპიონატის მოგებას . ვფიქრობ , მიმდინარე სეზონშიც მნიშვნელოვნად გაძლიერდნენ , მიუხედავად იმისა , რომ ბევრი არ დაუხარჯავთ სატრანსფერო ბაზარზე . ბუნებრივია , რომ მილანს შედარებით იოლად ექნება საქმე , მათ არ გამოუცვლიათ მწვრთნელი , იგივე სათამაშო სტილი აქვთ , გუნდში კი ერთმანეთისთვის კარგად ნაცნობი მაღალი კლასის ფეხბურთელები ირიცხებიან . ეს არის მანქანა , რომელიც საკუთარი სისტემით მუშაობს უკვე დიდი ხანია ” .
კარგით მილანი გასაგებია და თქვენი აზრით , შემდეგ პოზიციაზე ვინ იმყოფება ამ ეტაპზე ?

” სავარუდოდ ჯერ კიდევ ინტერი , რომელიც ეტო’ოს გაშვების შემდეგ , ალბათ კიდევ ერთ ტრანსფერს განახორციელებს . ისინი კი როგორც წესი , ხმაურიან გარიგებებს ახორციელებენ . უკვე მათ შემდეგ მოდიან სხვა ძლიერი კლუბები ნაპოლი , ლაციო , იუვე , რომა , რომლებმაც ასევე კარგად გაძლიერდნენ და შესანიშნავად ჩაატარეს წინასასეზონო მზადება . ”

როდესაც კლუბიდან ისეთი ფეხბურთელი მიდის , როგორიც არის ეტო’ო , როგორია თანაგუნდელების რეაქცია ? თქვენ გამოცდილი ხართ ამ საქმეში , როდესაც სერია ბ-ში ბიანკონერი უამრავმა წამყვანმა მოთამაშემ დატოვა …

” იცით , ყველა სიტუაცია განსხვავებულია . როდესაც ფეხბურთელი , რომელიც მართალია ჩემპიონია და წამყვანი ფიგურაა გუნდში , ვერ ნახულობს საერთო ენას პარტნიორებთან და კლუბთან , მაშინ უმჯობესი იქნება თუ დატოვებს კონკრეტულ ადგილს . ეს სასიკეთოდ წაადგება ყველა მხარეს , ვფიქრობ ეტო’ოს შემთხვევაშიც ასეთი სიტუაცია სუფევდა ” .

რას ელით მოახლოებული სეზონისგან , როდესაც ჩემპიონატის დაწყებამდე სულ რაღაც 5 დღე რჩება ?

” უპირველეს ყოვლისა , დიდი იმედი მაქვს რომ სტაბილურად მომეცემა მოედანზე გამოსვლის საშუალება . ბოლო რამდენიმე სეზონია სხვადასხვა სახის ტრავმების გამო ვერ ვახერხებ უკლებლივ ყველა ვარჯიშზე მონაწილეობის მიღებას , რის გამოც ბევრი მნიშვნელოვანი მატჩი გამოვტოვე . სხვათაშორის ოპერაციის შემდეგ ერთი წელი და 9 თვე გავიდა და ამ პერიოდის განმავლობაში , ერთხელაც კი არ შევჩერებულვარ და ეს სასიხარულოა . ყველანაირ დატვირთვებს ვუძლებ და ამიტომ , ვფიქრობ სწორი გადაწყვეტილება მივიღე როდესაც ოპერაციის გაკეთებას დავთანხმდი . დიდი იმედი მაქვს , რომ 38 შეხვედრიდან 35 – ში მინიმუმ მაინც შევძლებ ასპარეზობას . ბოლო სამ ტურში კი არ მივიღებ მონაწილეობას , რადგან ჩემპიონობა გარანტირებული გვექნება . ვხუმრობ რათქმაუნდა , მაგრამ რეალურად შევეცდები მოედანზე მაქსიმალურად დიდხანს ყოფნას ” .

ისეთი რეზერვისტი , როგორიც სტორარია ვფიქრობ დამატებით მოტივაციას გძენთ ?

” არ შეიძლება მარკოს ტალანტი არ დაფასდეს , თუმცა ჩემი კარიერის მანძილზე არაერთი ღირსეული კონკურენტი მყოლია : ტოლდო , პერუცი , მარკეჯანი , ანტონიოლი , აბიატი და სხვები . იმ პერიოდში , როდესაც ოპერაცია გავიკეთე , მარკომ არაჩვეულებრივად იასპარეზა . თუ თქვენ ასე ფიქრობთ , მაშინ ამაში არანაირი პრობლემა არ არსებობს ” .

როგორ დასრულდება შეხვედრა უდინეზესა და იუვენტუსს შორის ?

” დიდი იმედი მაქვს , რომ უდინეზე მოახერხებს ჩემპიონთა ლიგის ჯგუფურ ეტაპზე მოხვედრას და ამის გამო ზეიმი 4-5 დღის განმავლობაში გასტანს , შემდეგ კი ფრიულზე მათთან ერთად ავღნიშნათ მათზე მოპოვებულ გამარჯვებას . ესეთია ჩემი სურვილი ” .

ბოლო კითხვა . უბრალოდ ცნობის მოყვარეობის მიზნით . თქვენ გაცვიათ მაისური , რომელზედაც ახალგაზრდა ანიელია გამოსახული … ბოლო პერიოდშია მოდაშია ისეთი მაისურები , რომელსაც ბევრი საიდუმლოება ახლავს …

” სიმართლე გითხრათ ეს მაისური ჩემმა მეუღლემ მაჩუქა დღეს დილით ზღვაზე . ინტერვიუს ჩაწერას კი დღეს არც ვაპირებდი , დაუგეგმავად მოხდა ყველაფერი . თუმცა , თავად ანდრეა დიდ სამუშაოს ატარებს და ცდილობს იუვენტუსის გულშემატკვრები ნაკლებად ანერვიულოს . ვფიქრობ , ის გააგრძელებს დიადი ავოკატოს საქმიანობას ” .

წყარო : TuttoJuve

0 0 შეფასება
შეფასება
გაუზიარე მეგობარს
Subscribe
Notify of
guest

:forza: :blin: :lool: :loool: :juvee: :chuvak: more »

6 კომენტარები
Inline Feedbacks
ყველა კომენტარი
malxazi ediberidze
11 years ago

როგორ მინდა რომ ჯიჯიმ სეზონის ბოლო სამი მატჩი არ ითამაშოს

vaxo turqadze
11 years ago

სუპერ ჯიჯიიიიიიიიი,უგალატო კაცი,აი ამიტომ ვაფასებ იტალიას,რადგან არც თუ ისე ბევრია ფულის მონა სხვა ეროვნებისგან განსხვავები !

snuff-juve
11 years ago

ბოლო 3 ტურში არ მივიღებ მონაწილეობას ჩემპიონობა გარანტირებული გვექნებაო რა კაცია:-D :forza: :forza: :forza: :forza: აბა რა უეჭველი უნდა მოვიგოთ სერია ა :forza: :forza:

11 years ago

ჯიჯი ის ბოლო ფრაზა აგიხდეს და მეტი არაფერი მინდა :oops:

G M
G M
11 years ago

:forza: :forza: :forza:

NEDVEDA11..
11 years ago

გენაცვალე!!! მიდი ჯიჯი!!! ჩვენ შენი გვჯერა!! :forza:

| Newsphere by AF themes.
6
0
Would love your thoughts, please comment.x