დი ლივიო: “კონტე საუკეთესო კანდიდატია”

“არის თუ არა ანტონიო კონტე ის ადამიანი, რომელიც სჭირდება ”იუვენტუსს”? ” ეს საუკეთესო არჩევანია” – აცხადებს მისი ყოფილი მეწყვილე დი ლივიო. მოსალოდნელია, რომ სეზონის დასრულების შემდეგ  ”სიენას” მწვრთნელი შეცვლის ლუიჯი დელ ნერის და დი ლივიო ამის მომხრეა. “ეს საუკეთესო არჩევანია,” – განაცხადა ”იუვეს” და იტალიის ნაკრების ყოფილმა ფეხბურთელმა Tuttosport – თან ინტერვიუში. “მან იცის, თუ რა გუნდია ”იუვენტუსი” და ამ გუნდის მიზნები”. კონტემ ტურინში 12 წელი გაატარა და სიამაყით ატარებდა კაპიტნის სამკლაურს. ”იუვენტუსის გაწვრთნა ყოველთვის მისი ოცნება იყო”, – გააგრძელა დი ლივიომ, რომელიც გუნდის ერთ-ერთი მნიშვნელოვანი ნაწილი იყო და ”იუვენტუსთან ერთად მოიგო მრავალი ტიტული. ”მას შემდეგ რაც იგი გახდა ”არეცოს” მწვრთნელი, მას პირველივე დღიდან სურდა, ჩადგომოდა სათავეში ”იუვენტუსს”. მას სურდა დაებრუნებინა ეს ფერები, რადგან ისინი სამუდამოდ რჩება შენს შიგნით”…

ბოლო კითხვაზე, თუ რას გააკეთებდა კონტე გუნდისთვის, დი ლივიომ უპასუხა: ”ის დააბრუნებს გუნდში თავდაჯერებულობას, თავდაჯერებულობას – რომელიც ჩვენ გამარჯვებაში გვეხმარებოდა.

წყარო: Football italia