ელია: ” “არსენალი” ცდილობდა ჩემს გაფორმებას”

ჰოლანდიელი ვინგერი, ელჯერო ელია აცხადებს, რომ ლონდონის “არსენალი” იყო დაინტერესებული მისი ტრანსფერით, სანამ ის “იუვენტუსის” ფეხბურთელი გახდებოდა. ” ჩემს აგენტს ჰქონდა კონტაქტი “არსენალთან” და ეს საკმაოდ დიდ ხანს გრძელდებოდა, თუმცა პირადად მე არსენ ვენგერთან არანაირი კავშირი არ მქონია. ასევე იყო კონკრეტული წინადადებები “ფულემისგან”, “უიგანისგან”, “ევერტონისგან” და ნიუკასლისგან”. ” – განუცხადა ელიამ სააგენტო “onsoranje”-ს. “გალათასარაის” დაინტერესების შესახებ მან დაამატა: “ფინანსური თვალსაზრისით ეს საკმაოდ კარგი წინადადება იყო, თუმცა მე ამის შესახებ ეროვნული ნაკრების მწვრთნელს ვკითხე რჩევა, რომელმაც არ მირჩია თურქეთში წასვლა და მისი სიტყვა ჩემთვის ძალიან ბევრს ნიშნავს, რადგან ეროვნული ნაკრები ჩემთვის ძალიან ძვირფასია. შესაბამისად თურქები უარით გავისტუმრე. ნაკრების ინტერესებიდან გამომდინარე მას სურდა, რომ მე მაღალი დონის ჩემპიონატში მეთამაშა და ამისათვის ყველაზე კარგ ვარიანტად ინგლისი დამისახელა, თუმცა იტალიაშიც საკმაოდ მაღალი დონეა და სწორედ ამიტომ ვარჩიე “იუვე”. “ახლად გამომცხვარი იუვენტინო” აცხადებს, რომ ის გაჰყვება იმ ფეხბურთელების ნაბიჯებს, რომლებიც მის ბავშვობაში “იუვეს” გმირები იყვნენ: “მე ვატარებდი დელ პიეროს მაისურს, როცა პატარა ვიყავი, ასევე ვიყავი დიდი გულშემატკივარი ფაბრიციო რავანელისა. დიდებულია ითამაშო ისეთი ლეგენდის გვერდით, როგორიც დელ პიეროა.”
წყარო:mirrorfootball