ეროვნულ ნაკრებებში 14 ბიანკონეროს უხმეს

2 კვირიანი სანაკრებო ბატალიების გამო ტურინის “იუვენტუსის” სამწვრთნელ ბაზას 14 ფეხბურთელი დატოვებს, მათი ნაწილი ოფიციალური, ხოლო ნაწილი მეგობრული დაპირისპირებისთვის მოემზადება.ჩეზარე პრანდელიმ სკუადრა აძურას შემადგენლობაში 6 ფეხბურთელს უხმო : ჯიჯი ბუფონს, ლეონარდო ბონუჩის, ჯორჯო კიელინის, ანდრეა ბარძალის, ანდრეა პირლოს და კლაუდიო მარკიზიოს.ელჯერო ელია ჰოლანდიის ნაკრებს  შეუერთდება, მირკო ვუჩინიჩი მონტენეგროს გუნდს უკაპიტნებს, მილოშ კრასიჩი კი სერბეთის ეროვნულ გუნდთან ერთად ივარჯიშებს.შვეიცარიის ნაკრებშია გამოძახებული შტეფან ლიხშტაინერი, არტურო ვიდალი ჩილეს გუნდში ითამაშებს, მარსელო ესტიგარიბია კი პარაგვაის გუნდს დაეხმარება.U21 ნაკრებებში ორი მოთამაშე მიიწვიეს : ლუკა მარონე იტალიის ახალგაზრდულ გუნდში, ფრედერიკ სორენსენი კი დანიის დუბლ შემადგენლობაში.

წყარო : Tuttojuve