ვინოვოზე “უდინეზესთვის” მზადება დაიწყო

დედაქალაქური “რომას” წინააღმდეგ მოპოვებული გამარჯვების შემდეგ ტურინის “იუვენტუსი” “უდინეზესთან” საშინაო დაპირისპირებისთვის ემზადება.ბიანკონერები დღეს ვინოვოს სამწვრთნელ ბაზაზე შეიკრიბნენ და ვარჯიში გამართეს.იმ ფეხბურთელებმა, რომლებმაც ჯიალოროსის წინააღმდეგ შეხვედრაში მიიღეს მონაწილეობა, მსუბუქად  ივარჯიშეს, დანარჩენებმა კი სრული დატვირთვით.შეგახსენებთ, რომ უდინურ კლუბთან მატჩი შაბათს, თბილისის დროით 23:45 სთ – ზე დაიწყება.

რაც შეეხება გუნდის ტრავმირებულ ფეხბურთელებს, ლაზარეთში ამჟამად მირკო ვუჩინიჩი, კლაუდიო მარკიზიო და სიმონე პეპე იმყოფებიან.მონტენეგროელ ფორვარდს მარცხენა მუხლის ტრავმა აწუხებს და Sky Sport – ის მიერ გავრცელებული ინფორმაციით, მისი თამაში “უდინეზეს” წინააღმდეგ ფაქტიურად გამორიცხულია.კლაუდიო მარკიზიო დღეს განცალკევებით ვარჯიშობდა, თუმცა არის მცირე შანსი, იგი მწვანე მინდორს უკვე შაბათს დაუბრუნდეს.სიმონე პეპეს გამოჯანმრთელების პროცესი იდეალურად მიმდინარეობს, მეტიც, ამგვარი ტემპით რეაბილიტაციის შემთხვევაში, 28 წლის ნახევარმცველმა შესაძლოა მისი ყოფილი გუნდის წინააღმდეგაც კი ითამაშოს.

წყარო : Tuttojuve