ინძაგი საფეხბურთო კარიერის ხანგრძლივობაზე საუბრობს

ტურინის “იუვენტუსის” ყოფილმა და “მილანის” მოქმედმა თავდამსხმელმა – ფილიპო ინძაგიმ გადაწყვიტა იმ საიდუმლოების შესახებ ესაუბრა, რაც მას და ალექს დელ პიეროს შესაძლებლობას აძლევს შესაბამისად 37 და 38 წლის ასაკში ისევ უმაღლესი დონის გუნდებში ისევ უმაღლეს დონეზე იასპარეზონ.
“მე მოხარული ვარ, რომ როგორც იქნა ალემ გაიტანა თავის პირველი გოლი “იუვენტუსის” ახალ სტადიონზე. დელ პიერო, ისევე როგორც მე ფეხბურთით ცხოვრობს. ჩვენთვის ეს ძალიან დიდი ემოციის მატარებელია. ალექსმა დაიმსახურა ყველაფერი ის, რაც მას ეხლა გააჩნია საფეხბურთო სამყაროში” – განაცხადა პიპო ინძაგიმ.
აქვე შეგახსენებთ, რომ იატალიის თასზე დელ პიეროს გოლი “რომას” კარში, მისთვის რიგით 287-ეა, რითაც სწორედ ფილიპო ინძაგის გაუთანაბრდა კარიერაში გატანილი გოლების რაოდენობით. ორივე ფეხბურთელი 4 გოლით ჩამორჩება ლეგენდარულ რობერტო ბაჯოს, რომელმაც თავის მხრივ ხანგრძლივი საფეხბურთო კარიერის მანძილზე 291 ზუსტი საგოლე დარტყმა განახორციელა.
“რაც თამაშისას შესაძლებელია ყველაფერს გავაკეთებთ იმისათვის, რათა დავეწიოთ რობერტო ბაჯოს. ჩემი და ალექსის საიდუმლო? ჩვენ არასოდეს გვაკმაყოფილებს მიღწეული. დღესდღეობით ისიც და მეც გაცილებით მეტს ვვარჯიშობთ, ვიდრე ვთამაშობთ, თუმცა არასოდეს ვნებდებით და ყოველთვის ახალ-ახალ მიზნებს ვისახავთ” – აცხადებს ფილიპო ინძაგი.

წყარო: Football Italia