“იუვენტუსი” იტალიაში ბრუნდება

ავსტრალიური ტურნეს შემდეგ ტურინის “იუვენტუსი” სამშობლოში ბრუნდება..

დაახლოებით 12 საათნახევრიანი ფრენის შემდეგ გამთენიისას ტურინელთა თვითმფრინავი მილანში, მალპენსას აეროპორტში დაეშვება.ამის შემდეგ ფეხბურთელები ორი დღე დაისვენებენ და ვინოვოს სამწვრთნელ ბაზაზე სამშაბათს შეიკრიბებიან.ვინოვოზე გუნდს შეუერთდებიან დანი ალვეში, მარიო მანჯუკიჩი, გონსალო იგუაინი და შტეფან ლიხტშტაინერი, ტურინს უნდა ეწვიოს ახალწვეული მარკო პიაცაც.პირველ ამხანაგურ მატჩს ევროპაში მასიმილიანო ალეგრის გუნდი 7 აგვისტოს გამართავს, ლონდონში “ვესტ ჰემი” ახალ სტადიონს ხსნის და სწორედ ტურინული გრანდი იქნება მასპინძელთა პირველი მეტოქე.

ევროპის ჩემპიონატზე მოასპარეზე ფეხბურთელებმა დამატებით რამდენიმე დღე მიიღეს, შესაბამისად, ვინოვოზე სამი ხედირასა და იტალიის ნაკრებში მოასპარეზე მოთამაშეებს ხუთი აგვისტოსთვის ელიან, პატრის ევრა და პოლ პოგბა კი ტურინში 7 აგვისტოს უნდა გამოცხადდნენ.რამდენად მოემზადება ახალი სეზონისთვის “იუვესთან” ერთად ეს უკანასკნელი, ჯერ კიდევ გასარკვევია.

წყარო : Tuttosport