კალჩიოპოლი ნაჩქარევ პროცესად აღიარეს

რომში გამართულ ხუთსაათიან დებატებს, რომელსაც პრაქტიკულად შედეგი არ მოყოლია და საკითხი ისევ ღიად იქნა დატოვებული, თავისი დადებით მახასიათებელი მაინც გააჩნია. თითქმის ყველა მონაწილის მხრიდან სხვადასხვა სიტყვებით ერთი საერთო აზრი გამოიკვეთა, რომ იტალიაში კალჩიოპოლი ნაჩქარევი პროცესი იყო და სასწრაფო გამოხმაურებას საჭიროებდა უეფას მხრიდან. თუმცა სამწუხაროდ პრაქტიკულად ეს ყველაფერი სხდომის ოქმში არ ასახულა და წერილობითი ფორმა არ მიცემია, მხოლოდ სიტყვიერი საუბარი მიდიოდა ამ თემაზე. ასევე საუბრისას აღინიშნა, რომ „იუვენტუსისა“ და „ინტერის“ ქმედებებს შორის არ ყოფილა მაინცდამაინც დიდი სხვაობა, იმ განსხვავებით, რომ სწორედ „იუვენტუსმა“ აგო ყველაზე უფრო მკაცრად პასუხი განვითარებული მოვლენების შედეგად.

აქვე შეგახსენებთ, რომ ტურინის „იუვენტუსის“ პრეზიდენტმა – ანდრეა ანიელიმ, შეხვედრის შემდეგ პრესასთან ურთიერთობისგან და ახალი შეფასებებისგან თავი შეიკავა და კითხვები უკომენტაროდ დატოვა, რაც კიდევ ერთხელ მეტყველებს იმაზე, რომ მისი და მისი გუნდის პოზიცია უცვლელი და მტკიცეა.

წყარო: Tuttojuve