კიელინი: “ეს არ არის გადამწყვეტი მატჩი”

უკვე ახლოვდება მატჩი, რომელსაც ყველას ასე ძალიან ელოდება. გულშემატკივრებთან ერთად მატჩს “იუვენტინოებიც” ელიან და ათასგვარ განცხადებებს აკეთებენ. მორიგი “ბიანკონერო”, რომელმაც მატჩისწინა კომენტარი გააკეთა ჯორჯო კიელინია. “სკუადრა აძურას” მცველს ერთი სული აქვს როდის მისცემს მსაჯი სასტარტო სასტვენს: “სერია ბ-დან დაბრუნების შემდეგ ეს პირველი შემთხვევაა, როცა ჩვენ თებერვლის ბოლოს ვიმყოფებით ასე მაღლა სატურნირო ცხრილში და ვითვლებით ჩემპიონობის ერთ-ერთ მთავარ პრეტენდენტად, მაგრამ წინ კიდევ 12 გასამართი შეხვედრაა. ამ მატჩს არ აქვს ისეთი დატვირთვა, როგორც ეს 2005 წელს იყო, როცა ჩვენ მილანს ვხვდებოდით და მხოლოდ ხუთიოდე ტური იყო დარჩენილი, მაშინ ყველას ესმოდა, რომ სერია  ა-ს  ფინალი სწორედ “სან სიროზე” თამაშდებოდა,” ამჯერად კი ყველაფერი შეიძლება მოხდეს.”
როგორც, მოგეხსენებათ ზლატან იბრაჰიმოვიჩი დისკვალიფიცირებულია. შვედის არ ყოფნა იმითაცაა სამწუხარო, რომ ვერ ვიხილავთ ჯორჯოსა და ექს-ტურინელი ფორვარდის დუელს, რომელიც ყოველთვის დიდებული საცქერია.  თუმცა კიელინის აზრით “მილანი” იბრას გარეშეც ანგარიშგასაწევი ძალაა: “მილანს” ჰყავს ბევრი ჩემპიონი” განაგრძო კიელინიმ, sky-სთან ინტერვიუში. “მათ ეს ბოლო ორ მატჩში დაამტკიცეს, მიუხედავად იმისა, რომ იბრა ერთ-ერთი გამორჩეულია გუნდში. მე ვფიქრობ, სხვა ფეხბურთელები ორმაგი მონდომებით ითამაშებენ, რათა დაამტკიცონ მათი შესაძლებლობები. მათ ძალიან მრავალფეროვანი შემადგნელობა ჰყავთ და მისი დანაკლისი ნაკლებად შესამჩნევი იქნება. მილანელები ყველა მატჩში  ჩემპიონის სტატუსით გამოდიან და ამტკიცებენ კიდეც, რომ ევროპაში ერთ-ერთი საუკეთესო გუნდია, ჩვენ ვიცით, რომ დიდი პატივისცემით უნდა მოვეკიდოთ ამ გუნდს, თუმცა ასევე არაფერს დავიშურებთ, რომ “სან სიროზე” მატჩის მსვლელობა ჩვენ განვსაზღვროთ.”

წყარო: “იუვენტუსის” ოფციალური ვებ-გვერდი