კონტეს მატჩისშემდგომი კომენტარი

ძალზედ ბედნიერი ჩანდა ანტონიო კონტე გუშინდელი შეხვედრის შემდეგ , სადაც მისმა გაწვრთნილმა გუნდმა , ფაქტიურად უშანსოდ დაამარცხა როსონერი და მოიპოვა ისტორიული გამარჯვება ახალ არენაზე . მიუხედავად იმ ეიფორიის რაც გუნდის თავს ტრიალებს ეხლა , კონტეს ხასიათიდან გამომდინარე , მწვრთნელი უკვე მომავალ მატჩზე ახდენს კონცენტრირებას  …

” გამომდინარე იქიდან , თუ როგორ ვასპარეზობდით მთელი მატჩის განმავლობაში , ვფიქრობ ბურთი გაცილებით ადრეც უნდა გაგვეტანა . სიმართლე გითხრათ , ბოლო წამამდე მჯეროდა , რომ ვინმე სასწაულს შექმნიდა . გუნდმა ძალზედ საინტერესოდ იასპარეზა და ჩემი აზრით , სწორი გადაწყვეტილება მივიღე , როდესაც შეცვლები თამაშის ბოლოსთვის შემოვინახე , რადგან არ მსურდა იმ ეპიზოდში მოედანზე დისბალანსი შემეტანა . მინდა მივულოცო ფეხბურთელებს , რომლებიც თამაშობდნენ და ასევე , მივულოცო იმათაც ვინც სათადარიგოთა სკამზე იჯდა , რადგან ყველაზე მთავარი ხომ გუნდია ! სიხარული დიდია და ეს სრულებით ბუნებრივი რამ არის , მაგრამ ჩვენ ჯერ მხოლოდ სტუდენტები ვართ , რომლებმაც მაჟორულ ნოტაზე დაიწყეს საქმის კეთება . ძნელია იმაზე საუბარი ვიბრძოლებთ თუ არა ჩემპიონატის ბოლომდე ამ პოზიციისთვის . დღევანდელ შეხვედრას უდიდესი მნიშვნელობა ჰქონდა , რადგან წარუმატებელი შედეგის შემთხვევაში , შესაძლოა გუნდი ფსიქოლოგიურად გატეხილიყო . ყველაზე მნიშვნელოვანი ეხლა , არის მუშაობა ! არ გვსურს ამ ეტაპზე არანაირი დაპირებების მიცემა . გავაგრძელებთ იმავე სტილში – მაქსიმუმს გავიღებთ მოედანზე , რომ შევინარჩუნოთ კონკურენტუნარიანობა ” .

წყარო : Juventus.com