მაროტა ბოლო სვლებს აკეთებს …

ელიას, ესტიგარიბიასა და ჯაკერინის მოსვლით ანტონიო კონტეს უკვე შეტევის მარცხენა ფლანგზეც აღარ აქვს პრობლემები. “იუვენტუსს” სატრანსფერო ფანჯრის დახურვამდე ერთი გასროლის გაკეთებაღა ევალება და ეს ცენტრალური მცველის შეძენაა. როდოლფო და ფორლანი გამოირიცხა, არც ალექსისა და და ბრუნო ალვეშის მოსვლაზე ისმის რაიმე ახალი. როგორც ჩანს, მაროტა აქცენტს ისევ შიდა, იტალიურ ბაზარზე გააკეთებს. ჰორიზონტზე დავიდე ასტორი და დანიელე გასტადელო გამოჩნდნენ და თუ სამპდორიას ექს გენერალური დირექტორი რაიმე სიურპრიზს არ გვიმზადებს, სწორედ ამ ორი მცველიდან ერთ-ერთი მოირგებს შავ-თეთრ მაისურს.

სატრანსფერო ფანჯრის დახურვამდე დაახლოვებით 24 საათი რჩება და ბოლო საათებს მაროტა მაქსიმალურად გამოიყენებს იმ ფეხბურთელების გასასხვისებლად, რომლებიც “იუვენტუსის” 2011-2012 წლების პროექტში არ შედიან. ამ მომენტისთვის იუვენტუსი 32 ფეხბურთელს ითვლის. იდეალური რაოდენობა კი, რომელიც შეიძლება კონტემ სეზონში გამოიყენოს არის 24-25. შესაბამისად დაახლოვებით 7 ფეხბურთელს მოუწევს გაიხადოს შავ-თეთრი მაისური (დროებით მაინც). წასვლის კანდიდატი კი სულ 11 ფეხბურთელია: ციგლერი, გრიგერა, მოტა, სორენსენი, ბონუჩი, მარონე, ჯანდონატო, პეპე, პასკუატო, იაკინტა, ამაური, რომელთაგან ნაწილს მაროტა გაასხვისებს ან არენდით გაუშვებს.
მაროტას რთული ბოლო საათები ელის, როგორც იცით ფანჯრის დახურვისას ფასები იკლებს და ფინანსების მაქსიმალურად ამოღებაც აუცილებელია იუვენტუსისთვის, რომელმაც საკმაოდ ბევრი დახარჯა ამ ზაფხულს და ძალიან ცოტა მიიღო გაყიდვებიდან. რაც შეეხება ამაურის, “იუვე” მას 6-7 მილიონად აფასებს, მისი კონტრაქტი კი სეზონის ბოლოს ამოიწურება და თუ მანამდე არ მოხერხდა მისი გაყიდვა მაროტა საერთოდ ვერაფერს გამორჩება. სწორედ ამიტომ, სავარაუდოდ, ამაური უფრო ნაკლებ ფასად გაიყიდება სატრანსფერო ბაზრის დახურვამდე.
წყარო: Goal-Legacy