მატრი: “დღითი-დღე ვპროგრესირებთ”

მოგეხსენებათ, ერთი საათის წინ “ბიანკონერებმა” ტურინში ძალინ მნიშვნელოვანი 3 ქულა წამოიღეს. “იუვენტუსმა” მინიმალური ანგარიშით დაამარცხა კონტეს ყოფილი კლუბი “სიენა”. ერთადერთი გოლი მატჩში მატრის ანგარიშზეა. ფეხბურთელისთვის ეს გოლი მართლაც, რომ საჭირო იყო, რადან, წინა ტურში იტალიელს ნამდვილად არ უმართლებდა და დღეს კი ყველაფერი სხვაგვარად მოხდა და მატრიმაც გახსნა თავისი გოლების ანგარიში სერია ა-ს წლევანდელ გათამაშებაში. გთავაზობთ ფეხბურთელის პირველ კომენტარს მოპოვებული გამარჯვების შემდეგ: “მოგეხსენებათ, გასულ სეზონში, ქულათა უმრავლესობა სწორედ ამ ტიპის გუნდებთან დავკარგეთ. დღეს ჩვენ გავედით მოედანზე და იქ დაგვხდა ძალიან მობილიზებული გუნდი, რომელიც გააზრებულად მოქმედებდა. ჩვენი მისია იყო შეგვენარჩუნებინა ბურთი და უპირატესობას დავუფლებოდით, რაც ზედმიწევნით კარგად შევძელით”. კონტემ თავდასხმის ხაზში დღეს მატრისთან ერთად ვუჩინიჩი გამოიყვანა და ალესანდრომ სწორედ მონტენეგროელის საგოლე პასის წყალობით გაიტანა: “ჩვენ ჯერ კიდევ ბევრი უნდა ვიშრომოთ იმისათვის, რომ ერთმანეთს უკეთესად გავუგოთ და შევთამაშდეთ. დიდი ხანი არაა, რაც მირკოსთან დუეტში ვთამაშობ, რაც გარკვეულ პრობლემებს ქმნიდა, თუმცა ჩვენ უნდა გავაგრძელოთ მუშაობა და დარწმუნებული ვარ ყველაფერს შევძლებთ”. შეგახსენებთ, რომ დღევანდელი გამარჯვების წყალობით “იუვენტუსი” სატურნირო ცხირილის სათავეშია. ეს ფაქტი მატრისაც ახარებს, თუმცა მაინც სიფრთხილეს ირჩევს: “ჩვენ ერთ-ერთი პირველები ვართ ცხრილში, თუმცა ჯერ ეს არაფერს ნიშნავს, რადგან მხოლოდ ორი ტური გვაქვს ჩატარებული. დღესდღეობით ჩვენი საფიქრალი არა ეს, არამედ ოთხშაბათს გასამართი მატჩია.”

წყარო: “იუვენტუსის ოფიციალური ვებ-გვერდი.