პიანიჩი:”განსხვავება კლუბებს შორის საოცარია”

გთავაზობთ მირალემ პიანიჩის პრესსკონფერენციას ტექსტური მასალის სახით:

“რომში დაბრუნება სასიამოვნო იქნება.. ბოლოს და ბოლოს იქ 5 წელიწადი გავატარე, რისი დავიწყებაც დაუშვებელია.. დარწმუნებული ვარ ადგილობრივი ქომაგი უარყოფითად დამხვდება, მაგრამ ეს ფეხბურთის განუყოფელი ნაწილია და ამას ვერაფერს მოვუხერხებთ.

თუმცა, მეორეს მხრივ კარგად მაქვს გათვითცნობიერებული რა დონის კლუბში გადავედი.. შორიდან უკვე მქონდა შთაბეჭდილება, მაგრამ ვინოვოზე მოსვლის წამიდან ეიფორიის ქვეშ ვარ.. საქმესთან მიდგომა საოცარია და ამას პირველივე წამიდან შევეგუე.. შეუიარაღებელი თვალითაც ჩანს სხვაობა გუნდებს შორის.

პირადად მე არ გამიკვირდება თუ იგუაინი ჩვენთან გადმოვა.. ეს არის კლუბი, რომელიც გამარჯვებისთვისაა შექმნილი.. თითოეული იუვენტინო წარმატებაზეა ორიენტირებული.. სხვა შედეგს აქ არ სცნობენ.. ბედნიერი ვარ რომ ახლა ამ დიდებული გუნდის ნაწილი გავხვდი.. ყველაფერს ვიზავ, რომ გამარჯვებები გაგრძელდეს.. გამარჯვება, რომელიც არც აქამდე აკლდა და არც მომავალში შემცირდება.

ნახევარდაცვა საოცრად მრისხანეა.. ალეგრი კი ჭკვიანი სპეციალისტი რომელიც ფეხბურთელების საუკეთესო თვისებებს იყენებს და მოედანზე შესაშურ ბალანსს ჰქმნის.. კონკურენციის არ მეშინია, რადგან ეს ყოველივე ფეხბურთის განუყოფელი ნაწილია.. იუვეში სხვაგვარად ყოფნა წარმოუდგენელია.. მზად ვარ მწვრთნელის მითითებები შევასრულო, რომელმაც გარკვეული მინიშნებები უკვე მომცა.

მოედანზე ყოფნის სურვილი იმდენად დიდი მაქვს, რომ მაქსიმუმს გავიღებ შესაძლებლობებისას, რათა საქმე საუკეთესო კუთხით შევასრულო. თუმცა, გადაწყვეტილებას მწვრთნელი იღებს და ფეხბურთელი ვალდებულია მიიღოს იგი.

მთავარ მიზნებზე ბევრს საუბრობენ.. პირველ რიგში უნდა შევინარჩუნოთ ტიტულები, რომლებიც აქამდე მოვიპოვეთ.. ორი აზრი არაა ჩემპიონთა ლიგაზე აქ განსაკუთრებულად საუბრობენ. თუმცა, ჩვენთვის მეტოქეს მნიშვნელობა არა აქვს.. გინდათ სერია ა-ში იყოს და გინდათ ევროპაში.. გამარჯვების მიღწევა თითოეული მათგანის წინააღმდეგ გვსურს.. ეს არის ამოცანა, მიზანი და სურვილი.

სკუდეტოს ზედიზედ მეექვსედ მოპოვება ისტორიის დაწერას ნიშნავს.. იუვენტუსი კი მას შექმნის დღიდან ასრულებს. ჩვენ ვალდებულნი ვართ ამ ყოველივეს ხელი მაქსიმალურად შევუწყოთ.

მეგორები ჩემს ტრანსფერს სიხარულით შეხვდნენ.. უამრავი შეტყობინება მომდიოდა, სადაც მილოცავდნენ და წარმატებებს მისურვებდნენ. მანამ სანამ იუვესთან კონტრაქტს გავაფორმებდი, დავუკავშირდი სპალეტის, ტოტის, დე როსის.. მათ ყველაფერი ავუხსენი და დავემშვიდობე..

ორი აზრი არაა რომ ისინი იმედგაცრუებულნი იყვნენ, რადგან გუნდში ყველასთან შესანიშნავი ურთიერთობა მქონდა.. მაგრამ დგება ეპიზოდი როდესაც კარიერაში მნიშვნელოვანი ნაბიჯის გადადგმა გიწევს.

ალეგრისთან ჩინებული ურთიერთობა მაქვს.. ერთმანეთს ყოველდღიურად ვესაუბრებით.. მისგან ბევრი სასარგებლო რჩევა მოვისმინე.. ფაქტია, უსაზღვროდ გამიმართლა, რადგან მაქსთან ერთად ბევრ კომპონენტს მეტად დავხეწავ. დღეისათვის ჩვენი მიზანი ფიზიკური კონდიციების სათანადო დონეზე მომზადებაა, რომ სეზონს საუკეთესო კონდიციებში შევხვდეთ.

ბევრი რამ მოვისმინე თუ სად ვითამაშებ.. რა პოზიციაზე.. ეს მწვრთნელის გადასაწყვეტია.. მას ჩემი შესაძლებლობების შესახებ ბრწყინვალედ მოეხსენება.. ფიზიკურ ორთაბრძოლებს არასოდეს გავურბივარ, რადგან ეს ფეხბურთის ნაწილია.

პირლოსთან შედარება? ეს არის ადამიანი რომელიც სერია ა-ში წლების მანძილზე საუკეთესო იყო. მის კოპირებას არ ვაპირებ, მაგრამ შევეცდები ისეთივე პროდუქტიული ვიყო როგორც მაესტრო.. კლუბს სწამს ჩემი და მე არ ვაპირებ მათი იმედები გავაცრუო..

სტანდარტულები? ისეთი ბრწყინვალე მასწავლებელი მყავდა როგორიც იყო ჟუნინიო..მისგან ბევრი გადმოვიღე.. იგი უნიკალური ფეხბურთელია და ბედნიერი ვარ რომ მის გვერდით თამაში მომიწია. მაგრამ ყოველთვის ვეუბნებოდი:”ყველა ფეხბურთელს ინდივიდუალური ფეხი აქვს საჯარიმო დარტყმის შესრულების დროს.. ინდივიდუალური ტექნიკური არსენალით”..

ჩემი სურვილია, რომ გუნდისთვის მნიშვნელოვანი წევრი გავხდე.. როგორიც რომაში ვიყავი”.