ტაკინარდი : “ნაპოლი უნდა ეცადოს, რომ არ წააგოს”

ტურინის “იუვენტუსის” ყოფილი ნახევარმცველი – ალესიო ტაკინარდი Calcionews24.com – თან ინტერვიუში სან-პაოლოზე დღეს ღამით გასამართ “ნაპოლი” “იუვენტუსის” მატჩზე საუბრობს, სადაც იგი ამბობს, რომ დარწმუნებულია ბებერი ქალბატონის ძალებში. “იუვეს რთული მატჩი ელოდება, თუმცა არ ვფიქრობ, რომ კონტეს გუნდს ნაპოლის ეშინია. ანტონიოს გუნდში საბრძოლო განწყობაა. უფრო მეტიც, ვიტყვი, რომ ნაპოლის უნდა ეშინოდეს იუვენტუსის, რადგან ისინი ჩემპიონატის ლიდერს მასპინძლობენ და მაქსიმალურად უნდა ეცადნონ, რომ არ დამარცხდნენ”.  ამ სიტყვების შემდეგ იუვენტუსის ექს ნახევარმცველი რამდენიმე ფეხბურთელს შეეხო.”ვინმეს გამოყოფა ნაპოლიდან ? მე ინლერი მომწონს, თუმცა იუვეს ნახევარდაცვა ვიდალთან, მარკიზიოსთან და პირლოსთან ერთად ძალიან ძლიერია. ჩემი აზრით, მატჩს მოიგებს ის გუნდი, რომელიც მოედნის ცენტრს გააკონტროლებს. აქედან გამომდინარე შემიძლია ვთქვა, რომ მარკიზიოს არ ყოფნა კონტეს გუნდისთვის დანაკარგს წარმოადგენს” – აცხადებს ალესიო ტაკინარდი.

წყარო: TuttoJuve