ტორიჩელი გაკვირვებულია ანიელის განცხადებით

იუვენტუსის ყოფილი მცველი მორენო ტორიჩელი გაკვირვებული დარჩა როდესაც მოისმინა განცხადება იმის შესახებ, რომ ალესანდრო დელ პიერო დატოვებს იუვენტუსს 2012 წელს. მანამდე ცნობილი იყო, რომ 37 წლის თავდამსხმელი დარჩებოდა კლუბში კიდევ ერთი წლით, მაგრამ ანდრეა ანიელის სიტყვებმა მაინც შოკში ჩააგდო.

” ყბა ჩამომვარდა გაკვირვებისგან, როდესაც გავიგე ეს ამბავი ” , – თქვა ტორიჩელიმ, რომელიც თამაშობდა დელ პიეროსთან ერთად 6 წლის მანძილზე. ” არ ველოდი, რომ ამის შესახებ ახლა იტყოდნენ. თუ პრეზიდენტმა ასეთი რამ თქვა, ეს ნიშნავს, რომ დელ პიეროსთან უკვე შეთანხმება მიღწეულია. ჩემი აზრით საჭიროა კიდევ ცოტა დაიცადონ… ”

ჯერ კიდევ უცნობია, წავა თუ არა დელ პიერო ამერიკაში, ან დარჩება თუ არა კლუბის ხელმძღვანელობაში დირექტორის როლში. ” ეს მხოლოდ მასზეა დამოკიდებული ” , – დაამატა ტორიჩელიმ.  ” თუ მას კიდევ სურს თამაში, მაშინ ითამაშოს, მაგრამ ნებისმიერ შემთხვევაში ის დარჩება იუვენტუსის სიმბოლოდ. ის ბიანკონერია, რომელმაც დაამყარა ძალიან დიდი რაოდენობით საკლუბო რეკორდები. მე დიდი იმედი მაქვს, რომ ის დარჩება ტურინში ” .

წყარო : Tuttojuve