ფარფანის “კი” “იუვენტუსს”

“ “იუვენტუსმა” გააკეთა კონკრეტული შემოთავაზება, რომელიც შეაფასეს ჩემმა აგენტებმა და ჩემმა კლუბმა. შალკეში თავს მშვენივრად ვგრძნობ, მაგრამ საინტერესო წინადადების შემთხვევაში მე უპრობლემოდ მივიღებ მას.” განაცხადა ჯეფერსონ ფარფანმა გასულ საღამოს. “შალკეს” პერუელი შემტევი ცოტა ხნის წინ ჩაფრინდა სამშობლოში, სადაც შეუერთდება ეროვნულ ნაკრებს და დაეხმარება 2 მატჩში. ჟურნალისტებისათვის, რომელთაც ალყაში მოაქციეს აეროპორტში ფარფანი, სიურპრიზი აღმოჩნდა გოლეადორის ვრცელი წინადადებები, როგორც წესი მისი პასუხები ყოველთვის ძალიან მოკლე და კონკრეტულია, განსაკუთრებით როცა საქმე მომავალს ეხება. 2 დღე დარჩა სატრანსფერო ფანჯრის დახურვამდე და ეს ართულებს ტრანსფერს. ასევე დაბრკოლებაა გერმანელთა მხრიდან, რომელთაც უარყვეს იუვენტუსთან გარიგება და ასევე განაცხადეს, რომ არ აპირებენ ფარფანის გასხვისებას. ჯეფერსონ ფარფანი, რომელსაც შეუძლია შეტევის ორივე ფლანგზე თამაში, 2003 წლიდან პერუს ეროვნულ ნაკრებში გამოდის. პირველად ევროპაში “პსვ”-დან გამოჩნდა 2004 წელს, სადაც 4 წელი დაჰყო და 2008 წელს გერმანულ “შალკე 04”-ს მიაშურა, რომელთანაც კონტრაქტი 2012 წელს ეწურება. ჯეფერსონს იტალიასთან ის აკავშირებს, რომ მან მილანში ცოტა ხნის წინ სახლი შეიძინა.
წყარო: Goal-Legacy