ForzaJuve.Ge იუვენტუსის ქართული შავ-თეთრი სამყარო

ფეხბურთელების შეფასებები

ფედერიკო კიეზა

გთავაზობთ იუვენტუსის ფეხბურთელების შეფასებებს ატალანტასთან გამართული დაპირისპირების შემდეგ:

შესნი – 7.5 – საუკეთესო იუვენტუსის რიგებიდან! ფროილერის გოლში მისი ბრალეულობა არ არის. სამაგიეროდ ჯერ რომეროს აუღო, შემდეგ ეწევა საპატას და ბოლოს საიმედოა პაპუ გომესის დარტყმულზე.

კუადრადო – 6 – ჩვეულად ზუსტი არ ყოფილა. უცხოც კი არის მიმდინარე სეზონში კოლუმბიელის ასეთი ასპარეზობა. დაცვაშიც ბევრი ხარვეზი დაფიქსირდა.

დე ლიხტი – 6.5 – მატეისი საპატას თითქმის ყველა ორთაბრძოლას უგებს, ერთის გარდა, როდესაც შესნი ყოჩაღობს. სხვა მხრივ არ რისკავს, თამაშობს ყურადღებით და კარგად.

ბონუჩი – 6.5 – ამჯერად საპატას მისთვის ჯოჯოხეთი არ მოუწყვია, რაც დიდწილად დე ლიხტის დამსახურებაა. სხვა მხრივ უშეცდომოდ ირჯება და მატჩის მიწურულს გომეს ორჯერ დაუბლოკა სახიფათო დარტყმული.

დანილო – 6 – ბევრი შეცდომა ნამდვილად არ დაუშვია. მალინოვსკის დამსახურებით ბევრჯერ რისკავს.. შეტევაში კი მხოლოდ ერთხელ წავიდა და მისი დარტყმული ატალანტას მეკარემ მოიგერია.

არტური – 6 – სანამ მოედანზე იყო ბურთს კარგად აკონტროლებდა. ტემპიც ეჭირა და მანევრირებაც მშვენიერი იყო. სამწუხაროდ რომეროსთან ორთაბრძოლისას ტრავმა მიიღო და მოედნის დატოვება მოუწია.

რაბიო – 27 წუთიდან – 5 – ბევრი ართმევა, ამოტანა.. მაგრამ ძალიან გულუბრყვილოდ მოქმედებს ფროილერის ეპიზოდის დროს.

ბენტანკური – 6 – არტურის მოედნიდან გასვლის შემდეგ, მცველების წინ სწორედ ის დგება და ასრულებს საკუთარ საქმეს მშვიდად, თუმცა ზედმეტი და მოულოდნელი არაფერი გაუკეთებია.

მაკენი – 6.5 – თამამად შეგვიძლია ვთქვათ, რომ ამერიკელი ამ საღამოს ტურინელებისგან საუკეთესო იყო შუახაზში. ბევრი მოძრაობა.. ინციატივაც კი, რომელიც რამოდენიმეჯერ არაზუსტად დასრულდა, მაგრამ რაც კი საინტერესო ხდებოდა, მისი დამსახურება იყო.

კიეზა – 6.5 – პირველ ნახევარში მხოლოდ ერთხელ გამოჩნდა და ისიც რა მომენტში! თვად შეიქმნა მომენტი და ყუმბარისებული დარტყმით გუნდი წინ გაიყვანა. მეორე ტაიმში თვადვე მოიპოვა 11-იანის დარტყმის უფლება, რომელიც რონალდუმ გააცუდა.

ალექს სანდრო – 75 წუთიდან – 5.5 – დიდი სურვილი და ნაკლები სიზუსტე.

რონალდუ – 4.5 – იუვენტუსის რიგებში ალბათ ყველაზე სუსტი თამაში პორტუგალიელის შესრულებით. პირველ ნახევარში ხელსაყრელ შანს უშვებს, ხოლო მეორე 45 წუთში 11-იანს აფუჭებს. განახლებული ინფორმაცია: დიახ, ასეთი რამეც ხდება და რონალდუც ეთიშება მატჩს.

მორატა – 5 – ბევრი მოძრაობა. თამაში რონალდუზე და დანარჩენ პარტნიორებზეც.. თუმცა, უჩვეულოდ ნერვოზულია და ამასთანავე ხელიდან უშვებს არაერთ იდეალურ მომენტს გოლის გასატანად. თითქოს ესპანელში ვიღაც ჩასახალდა, რომელიც მინდორზე განრისხებული გამოვიდა.

2.7 3 შეფასება
შეფასება

გაუზიარე მეგობარს
  •  
  •  
  •  
  •  
  •  
  •  
  •  
  •  
  •  
  •  
  •  
  •  
  •  
  •  
  •  
Subscribe
Notify of
guest
0 კომენტარები
Inline Feedbacks
ყველა კომენტარი
| Newsphere by AF themes.

გათიშვა

0
Would love your thoughts, please comment.x
()
x

<