„“იუვენტუსი“ – პლანეტის საუკეთესო გუნდი“

„“იუვენტუსი“ – პლანეტის საუკეთესო გუნდია“ – ეს სიტყვები არ ეკუთვნის „ბებერი ქალბატონის“ გულშემატკივრებს. ეს სიტყვები ამერიკულ სპორტულ არხ –  ESPN-ზე ითქვა, რომელმაც საკუთარ საიტზე იმ კლუბების რეიტინგი გამოაქვეყნა, რომლებშიც საერთო ჯამში მსოფლიო ჩემპიონატების ჩატარების წლებში  უფრო მეტ მსოფლიო ჩემპიონს უთამაშია…

ამ სტატისტიკის მიხედვით პირველ ადგილზე აღმოჩნდა ტურინის „იუვენტუსი“, რომლშიც მსოფლიო ჩემპიონატების ჩატარების წლებში საერთო ჯამში 24 მსოფლიო ჩემპიონ ფეხბურთელს უთამაშია. „თუ ჩვენ შევაფასებთ კლუბებს მათში მსოფლიო ჩემპიონი ფეხბურთელების რაოდენობის მიხედვით, „იუვენტუსი“ პლანეტის საუკეთესო გუნდია“ –  ითქვა ამერიკულ სპორტულ არხ ESPN–ზე.

ამასთან, აღსანიშნავია, რომ 24 იუვენტუსელი მსოფლიო ჩემპიონიდან 22 იტალიელია, ხოლო 2 კი სხვა ქვეყნის წარმომადგენელი (ზინედინ ზიდანი და დიდიე დეშამი). როგორც მოგეხსენებათ  „იუვენტუსი“ თითქმის ყოველთვის იყო „სკუდრა აძურას“  მთავარი ბირთვი და საყრდენი ძალა გარდა 1938 წლის მუნდიალისა, სადაც მხოლოდ 2 იუვენტინო მონაწილეობდა იტალიის ნაკრების მაისურით. 1934,1982 და 2006 წლის მსოფლიო ჩემპიონატებზე. რომლებშიც „სკუადრა აძირამ“ ჩემპიონობა იზეიმა,  „იუვენტუსი“ წარმოდგენილი იყო შესაბამისად  ცხრა, ექვსი და ხუთი ფეხბურთელით.

ESPN-ის რეიტინგების მიხედვით „იუვენტუსს“ ჩამორჩება და მეორე ადგილს იკავებს მილანური „ინტერნაციონალე“, რომელიც ისტორიის მანძილზე 20 მსოფლიო ჩემპიონს ითვლის. შემდეგ მოდის მიუნჰენის „ბაიერნი“ 16 მსოფლიო ჩემპიონით, ხოლო მეოთხე ადგილზე კი კიდევ ერთი იტალიური გუნდი „რომაა“, რომელმაც 15 მსოფლიო ჩემპიონი აჩუქა ეროვნულ ნაკრებებს. სხვა იტალიური კლუბებიდან კი რეიტინგში „მილანი“ და „ფიორენტინა“ მოხვდენენ, შესაბამისად 10 და 8 ფეხბურთელით.

სტატიაში საუბარია მსოფლიო ჩემპიონატების ჩატარების წლებში კლუბში იმ კონკრეტულ წელს მოთამაშე და გამარჯვებულ ფეხბურთელებზე და არა მერე გადმოსულ მსოფლიო ჩემპიონებზე.  (კლუბიდან ნაკრებში გაწვეული მსოფლიო ჩემპიონი  ფეხბურთელები)

მსოფლიო ჩემპიონატებზე გამარჯვებულ “იუვენტუსელთა” რაოდენობა

1934 წელი – 9

ჯამპიერო კომბი, ლუიჯი ბერტოლინი, უმბერტო კალიარისი, ფელიჩე ბორელი, ლუის მონტი, რაიმონდ ორსი, ჯოვანი ფერარი, ვირჯინიო როზეტა, ჯოვანი ვარლიენი.

1938 წელი – 2

ალფრედო ფონი, პიეტრო რავა.

1982 წელი – 6

დინო ძოფი, კლაუდიო ჯენტილე, გაეტანო შირეა, მარკო ტარდელი, ანტონიო კაბრინი, პაოლო როსი.

1998 წელი -2

ზიდანი, დეშამი. ჩემპიონი საფრანგეთის ეროვნული ნაკრები.

2006 წელი -5

ჯანლუიჯი ბუფონი, ფაბიო კანავარო, ჯანლუკა ძამბროტა, მაურო კამორანეზი, ალესანდრო დელ პიერო.

წყარო: იუვენტუსის ოფიციალური ვებ-გვერდი