1993 წლის 12 სექტემბრი

1993 წლის 12 სექტემბერი, ერთი ჩვეულებრივი საფეხბურთო დღე. იტალიის ჩემპიონატის მეოთხე ტური – “ფოჯა” 1-1 “იუვენტუსი”. ეს თარიღი ბევრს უმნიშვნელოდ მიაჩნია, ბევრისთვის ეს დღე ჩაიწერა შემდეგი სახელით – “დიდმა “იუვენტუსმა” “ფოჯა” ვერ დაამარცხა”, მაგრამ ეს დღე “იუვენტუსის” თითოეული გულშემატკივრისთვის არის ძალიან მნიშვნელოვანი, რატომ? შეიძლება ბევრი მიხვდა რაშიცაა საქმე, მაგრამ ვინც ვერ მიხვდა რა ხდება ვურჩევ წაიკითხოს სტატია ბოლომდე და ეს თარიღი დაიმახსოვროს… 63 წუთზე “ფოჯას” ფეხბურთელებმა ანგარიში გახსნეს, თავი როიმ გამოიჩინა, “იუვენტუსმა” წონასწორობა ზუსტად 5 წუთში აღადგინა საპასუხო გოლი რავანელიმ გაიტანა. მატჩის დასრულებამდე 15 წუთით ადრე “იუვეს” მწვრთნელმა ჯოვანი ტრაპატონიმ სათადარიგო სკამისკენ შეიხედა და ჰაერში გაისმა მისი შეძახილი “ალექს მოედანზე გადიხარ”! და ყველასათვის უცნობი ფეხბურთელი, რომელიც რამდენიმე თვით ადრე “პადოვადან” შეიძინა “იუვენტუსმა” მოედანზე გამოჩნდა და გამოჩნდა არც მეტი, არც ნაკლები ფაბრიციო რავანელის ნაცვლად. 1993 წლის 12 სექტემბრიდან დღემდე ზუსტად 18 წელი გავიდა და ის ახალგაზრდა ბიჭუნას დღეს მთელს მსოფილიოში უყვართ და აფასებენ, როგორც უდიდესი ფეხბურთელი და უდიდესი პიროვნება, როგორც მოედანზე ასევე, მოედნის ფარგლებს გარეთ. ალბათ მიხვდით, რომ ეს ფეხბურთელი არის ალესანდრო დელ პიერო. ალექს (პინტურიჩიო) ჩვენ შენ გვიყვარხარ! დიდი მადლობა ყველაფრისთვის რაც “იუვენტუსისთვის” და ჩვენთვის გააკეთე. გვიყვარხარ ალექს!