შენ დაბრუნდები, We Beleive In You !

იგი მოვიდა მაშინ – როცა გვჭირდებოდა..შენ დაბრუნდები…

ფაბიო კვალიარელას ტრანსფერი ზაფხულის სატრანსფერო ფანჯრის ბოლო საათებში, არენდის წესით განხორციელდა.ბრაზილიელი დიეგოს გასხვისების შემდეგ, 28 წლის ფორვარდის იმედი ტურინელ ტიფოზებს ნაკლებად ჰქონდათ, მაგრამ იგი მოვიდა და ბევრს დაუმტკიცა – რა შეუძლია ნამდვილ ფაბიოს…სულით ნეაპოლელი და არა მოღალატე…We Beleive In You…

იუვენტუსში მოსვლის შემდეგ, ბევრს არ სჯეროდა, რომ კვალიარელა ისეთ ოპტიმალურ ფორმაში ჩადგებოდა, რომელიც მას გოლებსა და ბებერი ქალბატონის ძირითადში თამაშს მოუტანდა.სექტემბრის დასაწყისში კარგ ფორმაში იყო ამაური, მაგრამ ტრავმამ მას სეზონის დებიუტი გამოატოვებინა, თამაშგარეში იყო იაკინტაც, ასე რომ იუვენტუსი 36 წლის დელ პიეროსა და კვალიარელას იმედად დარჩა.მისი დებიუტი ბარისთან შეხვედრაში შედგა, მაგრამ სიმართლე უნდა ითქვს, სარგებელი ვერაფრით მოიტანა.მეორე შეხვედრა მისი ყოფილი გუნდის წინააღმდეგ შედგა, სამპდორიას კვალიარელამ ბებერ ქალბატონში სადებიუტი გოლი გაუტანა, მაგრამ მისი აღნიშვნა, როგორც მადლიერმა გენუელებისა, არ მოისურვა.შემდეგ იყო ულამაზესი გოლი უდინეზეს კარში, ამ დღიდან კი უკვე ბევრი მიხვდა, რომ კვალიარელა იუვენტუსის წამყვანი ფორვარდი გახდებოდა.ეტა ბეტამ გაუტანა ლეჩესაც, ბავშვური, ლამაზი თავური გოლი.

ამ დღეების შემდეგ იტალიელის პოპულარობა ტურინელ ტიფოზებში ერთიორად გაიზარდა, გულშემატკივრები ხედავდნენ გოლის გამტანს, ტექნიკურ, მონდომებულ ფორვარდს.სწორედ ლეჩეს დამარცხების შემდეგ კვირას ჩავიდა გუნდი მილანში, კვალიარელა კი იმ მატჩის უმთავრესი გმირი გახდა.ტანად არცთუ მაღალმა, მაგრამ საოცრად მებრძოლმა ფაბიომ ულამაზესი თავურით კრისტიან აბიატი უსაქმოდ დატოვა.სწორედ ამ გოლმა, ამ საოცარმა დარტყმამ სულიერად გასტეხა მილანელები – ტურინელებმა სამი ქულა აიღეს, კვალიარელა მატჩის ერთ-ერთი საუკეთესო მოთამაშე გახდა.

ბევრი რომ არ გავაგრძელოთ, ფაქტია, რომ ფაბიო იუვენტუსის წამყვანი კადრი იყო, ახალ წლებამდე მან 9 ულამაზესი გოლი აჩუქა გულშემატკივრებს, ამ რიცხვის გაზრდა ფაქტია, 2011 წელს იგეგმებოდა.

2011 წელი პარმასთან შეხვედრით დაიწყო, კვალიარელა იმ თამაშში ძირითად შემადგენლობაში იყო, მაგრამ ვინ წარმოიდგენდა, რომ ამ მატჩში ფაბიოს მხოლოდ 4 წუთი მოუწევდა ასპარეზობა.უმძიმესი მომენტი, უმძიმესი ტრავმა, უმძიმესი ფსიქოლოგიური დარტყმა, უმძიმესი ოპერაცია და 6 თვით მწვანე მინდორს მიღმა.

ახლა კი, მილანთან მატჩს ველით, რომელიც წინა მატჩის მთავარი გმირის გარეშე გაიმართება.კვალიარელას დაბრუნებამდე 1 თვე რჩება, ტიფოზები მას მოუთმენლად ელიან, ჩვენ გვჯერა, რომ ფაბიო მიუხევათ ამ ტრავმისა, მომავალ სეზონსაც ჩვენს გუნდში გაატარებს.გვენატრები ბომბარდირო და გვჯერა, რომ მალე დაგვიბრუნდები…

We Beleive In You..In Quagliarella We Trust..