“ლეჩე” – “იუვენტუსი” ( წინასამატჩო )

სერია A, ტური 17

დრო : კვირა, 8 იანვარი, 18:00 სთ ( თბილისის დროით )

ადგილმდებარეობა : “ვია დელ მარე”, ლეჩე ( 36 285 )

“ლეჩე”

• გასულ სეზონში, მანამ, სანამ “ლეჩე” ბიანკონერებს საკუთარ მოედანზე დაამარცხებდა, ტურინელებს ზედიზედ 6 მატჩში ჰქონდათ გამარჯვება მოპოვებული.
• მიმდინარე სეზონში “ლეჩეს” საკუთარ მოედანზე არ გაუმარჯვია, სახლში მათ მხოლოდ 1 ქულა აიღეს.
• ბოლო 10 შეხვედრაში “ლეჩეს” ფეხბურთელები მუდმივად უშვებენ გოლს.

“იუვენტუსი”

• “იუვენტუსი” ევროპის მასშტაბით ერთადერთი გუნდია, რომელიც მიმდინარე სეზონში დაუმარცხებლად ასპარეზობს.
• ბოლო სამ გასვლით შეხვედრაში ბიანკონერებმა ფრედ ითამაშეს.
• ანტონიო კონტე მწვთნელის რანგში პირველად თამაშობს მშობლიური გუნდის წინააღმდეგ.

სიახლეები მეტოქეთა ბანაკებიდან

“ლეჩე” – ჯანდონატო და ფალკონე ტრავმირებულნი არიან.

“იუვენტუსი” – ბიანკონერებმა იანვრის სატრანსფერო ფანჯრის პერიოდში უკვე დაიმატეს მარკო ბორიელო.

მთავარი გმირები

“ლეჩე” – ბოლო ტურში, “ინტერის” წინააღმდეგ მურიელმა შესანიშნავი გოლით დაგვამახსოვრა თავი.ახალგაზრდა ფეხბურთელი ძალიან მონდომებულია.

“იუვენტუსი” – სიმონე პეპე კარიერაში საუკეთესო სეზონს ატარებს.იტალიელ ნახევარმცველს მნიშვნელოვან მატჩებში გააქვს გოლები და დამაჯერებლად ასპარეზობს.ფლანგზე მის წინააღმდეგ ახალგაზრდა ბრივიო ითამაშებს, რომელსაც წესით, ძალიან უნდა გაუჭირდეს სიმონეს შეჩერება.

სავარაუდო შემადგენლობები

“ლეჩე” ( 3-5-2 ) – ბენასი; ოდო, ტომოვიჩი, ფერარიო; კუადრადო, ჯაკომაცი, ობოდო, ოლივიერა, ბრივიო; მურიელი, დი მიკელე

“იუვენტუსი” ( 4-3-3 ) – ბუფონი; ლიხტშტაინერი, ბარძალი, ბონუჩი, კიელინი; მარკიზიო, პირლო, ვიდალი; პეპე, მატრი, ვუჩინიჩი

პროგნოზები

სკუდეტოსთვის ბრძოლაში “იუვენტუსის” მთავარი კონკურენტი “მილანია”, ბიანკონერები ვალდებულნი არიან სამი ქულა აიღონ და როსონერის წინ გაჭრის შანსი არ დაუტოვონ.

სავარაუდო შედეგი

“ლეჩე” 0-3 “იუვენტუსი”

ტვ – ტრანსლაციები

NTV + Football 18:00 სთ – პირდაპირი ტრანსლაცია

NTV + Football HD 18:00 სთ – პირდაპირი ტრანსლაცია

GMG სპორტი 1 18:00 სთ – პირდაპირი ტრანსლაცია