რიკარდო სარტი : ” დედე ” იუვენტუსში ” გადადის “

ფიფას აგენტის , რიკარდო სარტის განცხადებით , ბრაზილიური ” ვასკო დე გამას ” ცენტრალური მცველი დედე , ძალზედ ახლოს არის ტურინის ” იუვენტუსში ” გადასვლასთან . Tuttomercatoweb – თან საუბარში მან დაადასტურა ის ფაქტი , რომ ბიანკონერი უკვე დიდი ხანია რაც მოლაპარაკებებს მართავს დედეს აგენტთან და როგორც ჩანს შეთანხმება უმოკლეს პერიოდში შესდგება …

” მოლაპარაკებები ორ მხარეს შორის , უკვე დიდი ხანია რაც მიმდინარეობს და მათ დასრულებას წინ არაფერი უდგას . სატრანსფერო ღირებულება ? 10-12 მილიონი ევრო ” …

ორი აზრი არაა , რომ ეს არაჩვეულებრივი ინფორმაციაა ბიანკონერის ტიფოზებისთვის , რადგან ჩვენ ვსაუბრობთ ფეხბურთელზე , რომელიც ამ ეტაპზე მსოფლიოში  ერთ ერთ საუკეთესო ახალგაზრდა ცენტრალური მცველია . სულ ცოტახნის წინ კი  იგი დაასახლეს ბრაზილიის ჩემპიონატის საუკეთესო მცველად .

” საკმაოდ სწრაფია და ტექნიკური , არაჩვეულებრივად კითხულობს თამაშს – ძლიერია როგორც ფსიქოლოგიური კუთხით ასევე ტაქტიკურადაც . შეუდარებელია მეორე სართულზე ორთაბრძოლებში “ – საუბრობს სარტი .

როგორც ხედავთ , მისი მონაცემები ემთხვევა ბიანკონერის საფეხბურთო ფილოსოფიას . კონტეს გუნდი პრაქტიკურად არ თამაშობს ბურთის გარეშე . უდიდესი ყურადღება ეთმობა მოკლე პასებს , რომელშიც მონაწილეობას თითოეული იუვენტინო იღებს რომელიც მოედანზეა , მათ შორის თავად ჯანლუიჯი ბუფონიც , რომელიც ყოველთვის ცენტრალურ მცველებს ეძებს შეტევის დასაწყებად . ” პსჟ ” ასევე ინტერესდებოდა ფეხბურთელით , მაგრამ როგორც ჩანს ეს ინტერესი , ინტერესადვე დარჩა . მართალია ჯერ ჯერობით დედეს ოფიციალურად არ გაუფორმებია ხელშეკრულება , მაგრამ სარტის სიტყვები  ბუნებრივია ოპტიმიზმის რეალურ საფუძველს იძლევა . იუვენტუსი მომგებიან პოზიციაში იმყოფება და სავარაუდოდ ეს იქნება ერთ ერთი პირველი შეთანხმება , რომელსაც კლუბი ზაფხულში განახორციელებს . გუნდი მალე ევროპაში იასპარეზებს და ამიტომ უმჯობესი იქნება თუ დიდი სათადარიგოთა სკამი ეყოლება .