ანტონიო კონტეს წინასამატჩო კომენტარი

ანტონიო კონტე “ნაპოლისთან” მატჩის წინ მომავალი შეხვედრის მნიშვნელობაზე საუბრობს. სატურნირო ცხრილში “ბებერ ქალბატონსა” და “ნაპოლის” 11 ქულა აშორებთ, თუმცა ნეაპოლელები მესამე ადგილისათვის ბრძოლაში აქტიურად არიან ჩაბმულნი და სამი ქულისთვის ძალებს არ დაიშურებენ…

” დღევანდელი გამარჯვება “ჩემპიონთა ლიგისკენ” გადადგმული დიდი ნაბიჯი იქნება. პირდაპირი საგზურის მოპოვება შესანიშნავი იქნება. ამასთან ფხიზლად უნდა ვიყოთ და ვეცადოთ, “მილანის” ნებისმიერი ფეხის დაცდენა საჩვენოდ გამოვიყენოთ. ”

” ვიცით, რომ რთული გამოცდა გველოდება გუნდთან, რომელმაც იტალიის თასში მნიშვნელოვან წარმატებას მიაღწია. “ნაპოლი” არც “ჩემპიონთა ლიგაზე” გამოიყურებოდა ცუდად და ცოტა გამოცდილების ქონის შემთხვევაში, ალბათ, ნახევარ-ფინალშიც ვიხილავდით. ურთულესი მატჩი იქნება, ამიტომაც, მხოლოდ საკუთარ თავებზე ვართ კონცენტრირებულნი და სხვა გუნდების მიერ ნაჩვენები შედეგი არ გვაინტერესებს. ”

” ყოველთვის ვცდილობ, ჩემი ფეხბურთელები იმ ფორმაში იყვნენ, რომელიც შესაძლებლობათა მაქსიმუმის ჩვენებაში დაეხმარებათ. როცა ვხვდები, რაღაც არასწორად მიდის, ფეხბურთელები საშუალებას მაძლევენ მეორე სათამაშო სქემაზე გადავიდე, რადგან კარგად არიან მათში განსწავლულები. ორივე “მილანურ” კლუბთან თამაშისას, ჯერ 3-5-2 -ით დავიწყეთ, შემდეგ კი 4-3-3 -ზე გადავედით. ”

” მატჩი თავისუფლად შეიძლება ბორიელომ ან კუალიარელამ დაიწყოს. ორივეს დიდი მოტივაცია აქვს სათამაშოდ, რადგან ნეაპოლი მათი მშობლიური ქალაქია. კუალიარელას ტრავმის შემდგომი სირთულეების გადალახვა უწევდა, ნელ-ნელა ჩვეულ სახეს იბრუნებს. ყველაფერი სხვაგვარად იქნებოდა, ბორიელო რომ ზაფხულში მოსულიყო, თუმცა ისიც ნელ-ნელა ეწერება კოლექტივში და შეუძლია, წარმატებაში თავისი როლი ითამაშოს. ” -აცხადებს კონტე.

წყარო: “იუვენტუსის” ოფიციალური ვებ-გვერდი