ვიდალი : ” ოცნება რეალობად ვაქციეთ ”

შვიდი ! სწორედ ამდენი ბურთია არტურო ვიდალის ანგარიშზე ! ჩილელი ფეხბურთელი , ახალი ” იუვენტუსის ” ნამდვილი თილისმაა , რომლის სათამაშო მახასიათებლები კარგად ესადაგება კონტეს გუნდის სათამაშო ფილოსოფიას : სირბილი და ბრძოლა ბოლო წამამდე . თავდაპირველად , ვიდალი არ გამოდიოდა ძირითად შემადგენლობაში , თუმცა ანტონიო კონტე მიხვდა რომ გუნდს მოედანზე ესაჭიროება ენერგიული ტიპის ნახევარმცველი . შედეგად სახეზეა გენიალური ტრიო : მარკიზიო – პირლო – ვიდალი : ” არ ვიცი შეგვიძლია თუ არა საოცრებებს კეთება , მაგრამ გაგვიჩნდა შანსი და გუნდი ეცდება არ გაუშვას იგი ხელიდან . აუცილებელია იმავე კურსის გაგრძელება და ჩემპიონატის ფინიშამდე იმ პოზიციაზე ყოფნა რომელზედაც ეხლა ვიმყოფებით . განუმეორებელი სეზონია და გვსურს იგი ტრიუმფალურად დავასრულოთ “ . წინ სამი მატჩია : ” ისეთივე მოტივირებულები უნდა ვიყოთ , როგორც მთელი სეზონის მანძილზე ვიყავით . პირველივე წუთიდან ბოლო წამამდე უნდა ვიბრძოდეთ მოედანზე ! გამარჯვებას უნდა მივაღწიოთ სწორედ ბრძოლის და თავდადების ხარჯზე . ოთხშაბათს მძიმე მატჩი გველის უხერხულ მეტოქესთან – ლეჩესთან , რომელიც მაქსიმალურად ცდილობს სერია ა-ში ადგილის შენარჩუნებას , თუმცა ჩვენ ჩემპიონობისთვის ვიბრძვით , რითაც ყველაფერია ნათქვამი  ” .

წყარო : ტურინის ” იუვენტუსის ” ოფიციალური ვებ გვერდი