ლიპი : “იუვენტუსი შანსს ხელიდან არ გაუშვებს”

ტურინის “იუვენტუსის” ყოფილი მწვრთნელი, მარჩელო ლიპი დარწმუნებულია, რომ სეზონის ბოლოს სკუდეტო ბიანკონერებს დარჩებათ.ტიტულისთვის ბრძოლა შესაძლოა დღეს დასრულდეს, იმ შემთხვევაში, თუ ტურინელები “კალიარის” დაამარცხებენ, “ინტერი” კი მილანურ დერბიში არ წააგებს.

“თეორიულად ყველაფერი შეიძლება მოხდეს, მაგრამ “მილანს” ძალიან რთული დერბი ელის.გარდა ამისა, ოთხშაბათს დაკარგული ქულების შემდეგ “იუვენტუსი” აუცილებლად მოიპოვებს გამარჯვებას.მასიმილიანო ალეგრის ვეთანხმები, თუ კვირას ორივე გუნდი მოიგებს, ბოლო ტური არაფერს შეცვლის.არ მჯერა იმისა, რომ “იუვე” მოდუნდა.ამ გუნდს აქვს ხასიათი და რწმენა იმისთვის, რომ სეზონი პირველ პოზიციაზე დაასრულოს.”ლეჩესთან” ფრე – შემთხვევითობაა.”

მარჩელო ლიპის მწვრთნელობის პერიოდში გუნდის კაპიტანი სწორედ ანტონიო კონტე იყო, დღეს კი იტალიელი სპეციალისტი ბიანკონერებში სამწვრთნელო ისტორიას წერს : “პირველი ნაბიჯი – ტიტულის მოგებაა.ამის შემდეგ მთავარია შეიქმნას გუნდი, რომელიც მზად იქნება ორ ფრონტზე საბრძოლად : ჩემპიონთა ლიგა და იტალიის ჩემპიონატი.”ინტერის” ეპოქა წარსულს ჩაბარდა, “ნაპოლიმ” გამაწბილა, ამ გუნდმა მთელი ძალები ევროპულ პირველობას შეალია.როსონერის უბრალოდ არ გაუმართლა, ტრავმებმა გატანჯა ეს გუნდი.თუ “ბებერი ქალბატონი” სკუდეტოს მოიგებს, ვერავინ იტყვის, რომ მათ ეს არ დაიმსახურეს, ფეხბურთელებმა ამ სეზონში მართლაც მუხლჩაუხრელად იშრომეს.”

წყარო : Football Italia