სატრანსფერო ჭორები და სიახლეები

ბოლო დღეებია ლუის სუარესის “ლივერპულიდან” წასვლის შესახებ ბევრი რამ იწერება.Tuttosport – ის მიერ გავრცელებული ინფორმაციის თანახმად, წითლების ახალი მწვრთნელი, ბრენდან როჯერსი სიგურდსონის ტრანსფერის განხორციელებსა და ურუგვაელი წინახაზელის გუნდიდან გაშვებას აპირებს.”აიაქსის” ყოფილი ფეხბურთელით უკვე რამდენიმე თვეა ტურინის “იუვენტუსი” ინტერესდება, ნისლიანი ალბიონის დატოვების შემთხვევაში კი, სუარესისთვის ბებერი ქალბატონი მართლაც იდეალური ვარიანტია.სრულიადში იხილეთ მეტი..

დღეს დილით ესპანურმა პრესამ გაავრცელა ინფორმაცია, რომლის თანახმად ჯუზეპე მაროტა ბილბაოს “ატლეტიკის” ფეხბურთელის, იკერ მუნიანინის შეძენას გეგმავს.1992 წელს დაბადებული ფორვარდი განსაკუთრებით ანტონიო კონტეს მოსწონს და იტალიელები მზად არიან, პირენეელ კოლეგებთან მოლაპარაკებები უახლოეს დღეებში დაიწყონ.

დაცვის ხაზის გაძლიერება ფაბიო პარატიჩის ერთ-ერთი მთავარი პრიორიტეტია, ტურინელთა მენეჯერს კი “ტორინოს” მცველი, ანჯელო ოგბონა ესიმპატიურება.რამდენიმე თვის წინ ნატურალიზირებულმა იტალიელმა განაცხადა, რომ ბიანკონერებში ასპარეზობას არ აპირებდა, თუმცა ეს წარსულს დარჩა და ის ინტერვიუც, სავარაუდოდ ჟურნალისტების შეთხზილი იყო.შეგახსენებთ, რომ ახალგაზრდა მცველი ამჟამად სკუადრა აძურასთან ერთად პოლონეთშია და ევრო 2012 – ის მეოთხედფინალისთვის ემზადება.

უკვე რამდენიმე წელია “პარმასა” და “იუვენტუსს” შორის საგრძნობლად მეგობრული ურთიერთობა ჩამოყალიბდა.ამჯერად საუბარი “ბრეშას” ახალგაზრდა ფეხბურთელ ომარ ელ კადურიზეა, რომელსაც ბებერ ქალბატონში ასპარეზობა სურს, “პარმა” კი მზადაა, პერსპექტიული ფორვარდი ბიანკონერებთან ერთად თანამფლობელობაში აიყვანოს.მაროტა ამ წინადადებასაც აქტიურად განიხილავს.

რაც შეეხება მატია დესტროს საგას, ახალგაზრდა ფეხბურთელის ტრანსფერი იტალიური პრესის ერთ-ერთი მთავარი სასაუბრო თემაა.ბოლო ინფორმაციით, ტურინის “იუვენტუსი” მოწინააღმდეგეებთან, “რომასთან” და “ინტერთან” შედარებით საკმაო უპირატესობას ფლობს და ჯუზეპე მაროტა მზადაა, “სიენას” ფორვარდი ხელთ იგდოს.შეგახსენებთ, რომ დესტრო “ჯენოას” საკუთრებაა და ზაფხულის სატრანსფერო ფანჯრის დროს გენუელებსა და ტურინელებს საერთო მართლაც ბევრი აქვთ : ჩირო იმობილე და რიჩმონდ ბოიაკე “ჯენოაში” სწორედ “იუვედან” მოხვდნენ, ისინი თანამფლობელობაში იმყოფებიან.ტურინელთა ხელმძღვანელობა ჯერ “სიენას” მიერ გადადგმულ ნაბიჯებს დაელოდება, შემდეგ კი ყველაფერს გააკეთებს იმისთვის, რომ U21 ნაკრების წევრი სწორედ მათი საკუთრება გახდეს.

ევრო 2012 – ის ერთ-ერთი აღმოჩენა, უკრაინელი ევგენი კონოპლიანკა ბიანკონერის ინტერესთა სფეროში მოექცა.ნახევარმცველმა კარიერა შესაძლოა სწორედ ტურინულ გრანდში განაგრძოს, იმ შემთხვევაში, თუ მოლაპარაკებები სწრაფად დაიწყება.ახალგაზრდა ფეხბურთელის სატრანსფერო ღირებულება დაახლოებით 7 მილიონი ევროა, უკრაინული პრესა კი ზედმეტსახელად კონოპლიანკას “ჩრდილოელ მესის” უწოდებს.

წყარო : Tuttojuve; Tuttosport; Calcionews24