კონტეს დაცვის მხარეს შესაძლოა კიდევ ერთი ადვოკატი დაემატოს
იტალიურ პრესაში დღეს გავრცელდა ინფორმაცია , თითქოს სასამართლოში ანტონიო კონტეს , ტურინის ” იუვენტუსის ” კიდევ ერთი ადვოკატი დაიცავდა . აქამდე ბიანკონერის მთავარი მწვრთნელის ინტერესებს , იუვეს ორი ადვოკატი ლუიჯი ჩიაპერო და მიშელ ბრიამონტე იცავდნენ . პრესა მასიურად ასახელებს ჯულია ბონჯორნოს , რომელიც მათი აზრით კონტეს პირად ადვოკატს ანტონიო დე რენზის შეუერთდება … თუმცა , SkySport24 – თან საუბარში ბიანკონერის წარმომადგენლებმა უარყვეს ეს ინფორმაცია . მათი განცხადებით , თუ სიტუაცია ამას არ მოითხოვს , დაცვის მხარეს დამატებითი ადვოკატები არ დასჭირდება . ადვოკატმა ბრიამონტემ კი შემდეგი კომენტარი გააკეთა : ” ამ ეტაპზე ჩვენ ველოდებით ვერდიქტის გამოტანას , ხოლო რაც შეეხება ცვლილებებს , ეს მოხდება ყოველი ჩვენთაგანის მიერ განხორციელებული კონსულტაციის შემდგომ . დაძაბულობა ? ანტონიო დე რენზისთან არანაირი კონფლიქტი არ გვაქვს , უბრალოდ გარკვეულ საკითხებზე აზრთა სხვადასხვაობა სუფევს , რაც ასეთ რთულ პროცესში სრულებით ბუნებრივი მოვლენაა ” .
წყარო : tuttosport
