ლორენტე “ბილბაოდან” მიდის, “იუვენტუსი” ფეხბურთელით ინტერესდება

ფერნანდო ლორენტე ტურინის “იუვენტუსის” სატრანსფერო სამიზნეა.ესპანელმა ფეხბურთელმა ბილბაოს “ატლეტიკთან” კონტრაქტის გახანგრძლივებაზე უარი განაცხადა და უახლოეს მომავალში გუნდის დატოვებას აპირებს, ამის შესახებ ბასკური კლუბის ოფიციალურმა არხმა, ETB – მ განაცხადა : “ფერნანდო ლორენტე გუნდის დატოვებას გეგმავს, ამის შესახებ გუნდის ხელმძღვანელობამ პარასკევს შეიტყო.ბასკები დაინტერესებულ მხარეებთან აუცილებლად გამართავენ მოლაპარაკებებს”.27 წლის წინახაზელის სატრანსფერო ღირებულება 14 მილიონი ევროა, ახალ გუნდში კი მისი ხელფასი დაახლოებით 5,5 მილიონ ევროს უნდა შეადგენდეს.