ბიელსა : ” ჯერ ჯერობით გადაწყვეტილი არაფერია “

ბოლო რამდენიმე დღეა , ფერნანდო ლორენტეს გარშემო დიდი აჟიოტაჟია ატეხილი . ესპანელმა ფორვარდმა ღიად დააფიქსირა , რომ აღარ აპირებს კონტრაქტის გახანგრძლივებას ამჟამინდელ კლუბთან . შექმნილი ვითარებით კი როგორც ჩანს ჯუზეპე მაროტა სარგებლობს და თუ აპენინელ ჟურნალისტებს დავუჯერებთ , იგი სულ მალე გახდება იუვენტინო . საკუთარი მოსაზრება ამ საკითხთან დაკავშირებით ბასკური კლუბის მთავარმა მწვრთნელმა მარსელო ბიელსამაც დააფიქსირა : ” არ მისაუბრია მასთან ამ თემაზე , რადგან არ ჩავთვალე საჭიროდ . ჯერ ჯერობით 100 % – ით არაფერია გადაწყვეტილი . ხოლო იმ კითხვაზე იასპარეზებს თუ არა იტალიაში , პასუხს ვერ გაგცემთ . მსურს კლუბისთვის და თავად ფეხბურთელისთვისაც საუკეთესო  და იმედი მაქვს ისეთ გადაწყვეტილებას მივიღებთ , რომელიც ორივე მხარისთვის იქნება მისაღები “ . საქმე იმაშია , რომ ლორენტეს კონტრაქტს ძალა 2013 წელს ეწურება და შესაბამისად , არსებობს რისკი იმისა რომ ბასკური კლუბი ყოველგვარი თანხის გარეშე შეელევა მას : ” გავყიდოთ ნანდო ეხლა , მანამ სანამ თავისუფალი აგენტის სტატუსით დაგვტოვებს ? ეს ჩემი საქმე არ არის , ამაზე აგენტები იზრუნებენ ” . 

წყარო : Tuttosport