ვუჩინიჩი : “გავიმარჯვოთ, რათა მივუძღვნათ კონტეს”

“მწყობრში ვარ”. პაუზა – და ღიმილი : “ბოლო დღეებში მაიძულებენ შეუჩერებლად ვირბინო, მაგრამ სრულ მზადყოფნაში ვარ”. მირკო ვუჩინიჩი სათანადო ფორმას უბრუნდება, მართალია, ჩერნოგორიელმა ბოლო მეგობრული მატჩები გამოტოვა, მაგრამ ნაკლებ სავარაუდოა, ანტონიო კონტემ იგი ძირითად შემადგენლობაში არ დააყენოს.მირკო როგორც ყოველთვის ხუმრობს : “დარწმუნებულები ხართ, რომ ვითამაშებ ?”.

მიუხედავათ გუნდში არსებული პრობლემებისა და ფზიქოლოგიური წნეხისა, ბიანკონერების თავში მხოლოდ ერთი აზრი ტრიალებს : “გამარჯვება”, ამას ორი მიზეზი აქვს : “პირველი ის არის, რომ “იუვენტუსს” გამარჯვებს სწყურია, ვალდებულნი ვართ, იტალიის თასის ფინალში განცდილი მარცხის გამო რევანში ავიღოთ, რაც შეეხება მეორე მიზეზს, წარმატებას კონტეს ვუძღვნით და ეს ყველაზე მნიშვნელოვანია.მწვრთნელი ძალიან მშვიდადაა, როგორც ყოველთვის.შეგირდებთან ერთად ირჯება და მხოლოდ შეხვედრაზეა ფოკუსირებული.”

ჯერჯერობით უცნობია, ვინ გაუწევს მეწყვილეობას მირკო ვუჩინიჩს წინახაზში – ალესანდრო მატრი თუ სებასტიან ჯიოვინკო : “ორივენი ჩემპიონები არიან, მატრისთან უკვე ერთი წელია ვთამაშობ, ჯიოვინკოსთან ასპარეზობას კი მომზადების პროცესში ძალიან შევეჩვიე.სება ძალიან ტექნიკურია, დელ პიეროს ჰგავს.ალექსი განუმეორებელია, მაგრამ ვფიქრობ, რომ ჯიოვინკო საკმაოდ წააგავს.”

გასულ წელს, ტურინის “იუვენტუსის” ტოპ-ფეხბურთელი სატრანსფერო ფანჯრის პერიოდში სწორედ ვუჩინიჩი გახდა, ახლა კი ჟურნალისტები ახალ ფორვარდს ელიან : “არანაირი პრობლემა არაა, ახალი ფორვარდი ხომ ძალიან გაგვაძლიერებს.არ დაგავიწყდეთ, ჩემპიონთა ლიგაზეც ვასპარეზობთ.”