სატრანსფერო ჭორები და სიახლეები

ჯუზეპე მაროტა სტეფან იოვეტიჩის შესაძენად უკანასკნელ შტურმს ამზადებს.რობინ ვან პერსისთან და ლუის სუარესთან მოლაპარაკებების ჩაშლის შემდეგ ბიანკონერების ერთ-ერთ მთავარ სამიზნეს სწორედ ჩერნოგორიელი ფორვარდი წარმოადგენს, რომელიც იდეალურად ჯდება ანტონიო კონტეს სქემაში.26 აგვისტოს იტალიის ჩემპიონატი იწყება, ბებერი ქალბატონის ხელმძღვანელებმა კი კონკრეტული ნაბიჯები წესით უახლოეს დღეებში უნდა გადადგან.მის გარდა ტურინელები ედინ ჯეკოსა და ფერნანდო ლორენტეს აკვირდებიან, რომლებსაც შესაბამისად “სიტისა” და “ატლეტიკის” დატოვების სურვილი აქვთ.რაც შეეხება დაცვის მარცხენა ფლანგს, რომელიმე ფეხბურთელის დამატებამდე მაროტა ვალდებულია, გუნდიდან რეტო ციგლერი გაუშვას.შვეიცარიელი ფეხბურთელით საკმაოდ აქტიურად “ლაციო” აკვირდება, თუმცა მოახერხებენ თუ არა რომაელები რეტოს შეძენას, მეორე საკითხია, რამეთუ ციგლერის თაობაზე ბიანკონერებთან რამდენიმე გუნდი აწარმოებს მოლაპარაკებებს.ამის შემდეგ კი, მაროტა/პარატიჩის დუეტი პაოლო დე ჩელიეს კონკურენტის ძებნას დაიწყებენ, მთავარ კანდიდატებად კი პაბლო არმერო, ალი სოსოკო და ალექსანდრ კოლაროვი სახელდებიან.ფრანგი სისოკო რომ “ლიონს” დატოვებს, ფაქტიურად გადაწყვეტილია, არმეროსა და კოლაროვის დასამატებლად კი ბებერი ქალბატონის ხელმძღვანელებს სერიოზული ბრძოლა მოუწევთ.

წყარო : Tuttojuve; Tuttosport