ვუჩინიჩი : “გამარჯვებას ფანებსა და ჩემს ოჯახს ვუძღვნი”

ტურინის “იუვენტუსმა” 2012/13 სეზონი მნიშვნელოვანი გამარჯვებით რომ დაიწყო, მირკო ვუჩინიჩის დიდი დამსახურებაა.მონტენეგროელი ფორვარდი მატჩში მეორე ნახევრიდან ჩაერთო, თერთმეტმეტრიანი გამოიმუშავა და გოლიც გაიტანა, რომელმაც საბოლოოდ მოუსპო ნეაპოლელებს უკანასკნელი გაბრძოლების შანსი.თამამად შეიძლება ითქვას, ვუჩინიჩმა შეხვედრა შემოატრიალა, მაგრამ თავად ფორვარდი ამ აზრს არ ეთანხმება და ღიმილით პასუხობს : “შეუძლებელია, თამაში ერთმა ფეხბურთელმა შეცვალოს.გამარჯვების წყურვილი მთლიანად “იუვენტუსმა” აჩვენა, ორჯერ ვაგებდით, ორივეჯერ გავათანაბრეთ და მოვიგეთ.ამ გამარჯვებას ჩემს ოჯახს და ბებერი ქალბატონის თითოეულ გულშემატკივარს ვუძღვნი.რა თქმა უნდა, წარმატების მთავარი შემოქმედი ანტონიო კონტეა, მაგრამ მასიმო კარერამაც დიდი სამუშაო ჩაატარა – ყვიროდა ზუსტად ისე, როგორც ბოსი.სათადარიგოდან დაწყება ? – შეიძლება დამატებითი დროსთვის გარისკვა არ ღირდა.”ნაპოლი” ? – ნებისმიერი ადამიანი თავისუფალია და შეუძლია გააკეთოს ის, რაც სურს, ისინი არ დაესწრნენ დაჯილდოვების ცერემონიას.მინდა გავიხსენო, რომ რომში თასის ფინალში დამარცხების შემდეგ, ჩვენ მწვანე მინდორზე დავრჩით.”

წყარო : Juventus.com