სატრანსფერო ჭორები და სიახლეები

ფერნანდო ლორენტე განცალკევებით ვარჯიშობს, ბილბაოს “ატლეტიკი” კი მის გასაყიდად მზადაა და სასურველ შემოთავაზებას ელის.Sky Sport Italia  ტურინის “იუვენტუსის” ტოპ-ფორვარდად სწორედ ესპანელ ფეხბურთელს თვლის, რომლის ბასკებიდან წასვლის შანსი საკმაოდ მაღალია.ევროპისა და მსოფლიოს მოქმედი ჩემპიონი კვლავაც ვერ მოხვდა მადრიდის “ატლეტიკოს” წინააღმდეგ წინასამატჩო განაცხადში რაც იმას ნიშნავს, რომ სიტუაციის ბოლომდე გარკვევამდე მარსელო ბიელსას არ სურს, ლორენტეს მისცეს მოედანზე გამოსვლის შანსი.თავისმხრივ, თავდამსხმელი ბასკურ კლუბს გაშვებას თხოვს და ბიანკონერების წინადადებაზე დათანხმებას აიძულებს.ნებისმიერ შემთხვევაში, ესპანელები ნანდოს უსასყიდლოდ გაშვებას არ აპირებენ და იმ შემთხვევაში, თუ მოლაპარაკებები ტურინულ მხარესთან წარუმატებლად დასრულდება, ზამთარში გაასხვისებენ ფორვარდს.რაც შეეხება სტეფან იოვეტიჩს, მისი ფლორენციაში დარჩენა ვინჩენცო მონტელას შემდეგ “ფიორენტინას” პრეზიდენტმა, ანდრეა დელა ვალემაც დაადასტურა.ედინ ჯეკოს ქალაქელებიდან აბარგებას სერხიო აგუეროს ტრავმამ შეუშალა ხელი და ახლა ნებისმიერი სახის მოლაპარაკებებს რობერტო მანჩინი ადებს ვეტოს.და ბოლოს, ისიც ვთქვათ, ბრაზილიელი ლუსიოს ტრავმის შემდეგ ჯუზეპე მაროტამ ალბერტო მაზის არენდით გაშვება გადაიფიქრა, რომლის მომავალსაც “ჯენოას” უკავშირებდნენ.

წყარო :