ნედვედი: ” ჩვენი ტოპ-მოთამაშე ანტონიო კონტეა “

ტურინის “იუვენტუსის” ლეგენდა, გულშემატკივრებისთვის დაუვიწყარი 11 ნომერი და აწ უკვე კლუბის დირექტორი, პაველ ნედვედი, ანტონიო კონტეს დაბრუნების შესახებ საუბრობს. იგი ძალიან გახარებულია იმ ფაქტით, რომ ხვალინდელ შეხვედრაში მთავარი მწვრთნელი ისევ საკუთარი შეგირდების გვერდით იქნება: “ბედნიერი წუთები მთელი გუნდისთვის დამთავრებულია! ფეხბურთელი რომ ვიყო, ნამდვილად არ ვისურვებდი თამაშის დროს კონტეს ყვირილის მოსმენას (იცინის). კარგით, ხუმრობა გვერდზე გადავდოთ, ფედერაციამ მსოფლიო კლასის მწვრთნელს მისცა დისკვალიფიკაცია. კონტეს დაბრუნება იმას ნიშნავს, რომ ნებისმიერ მეტოქეს ჩვენი შეჩერება ძალიან გაურთულდება. მინდა ყველა ფეხბურთელის მიმართ გამოვთქვა კომპლიმენტი, რადგან მათ მოახერხეს და მწვრთნელის გარეშე იკრებდნენ ძალებს. თავად ანტონიო ძალიან განიცდიდა უმოქმედოდ ყოფნას, მაგრამ მის მიმართ ჩემი რჩევა ის იქნება, რომ ახლა ყველაფერი დაივიწყოს და მხოლოდ მომავლისკენ იყუროს. რაც შეეხება ჩემპიონთა ლიგას, შესაძლოა, ამ ტურნირზე მოიძებნებოდეს 3 ან 4 გუნდი, რომელიც ჩვენზე უკეთესად არის დაკომპლექტებული, მაგრამ განსხვავება ძალიან მცირეა. თანაც, ფურცელზე უძლიერესი ყოველთვის გამარჯვებას ვერ ახერხებს. ძალიან რთული ტურნირია, ცუდად ჩატარებულ 20-წუთიან მონაკვეთსაც კი შეუძლია, გადამწყვეტი აღმოჩნდეს. ამ ეტაპისთვის მადრიდის “რეალის” თავიდან აცილებას ვისურვებდი, მაგრამ ფლეი-ოფში გადამწყვეტი მნიშვნელობა ენიჭება იმას, თუ როგორ ფორმაში იმყოფება თითოეული გუნდი მოცემული მომენტისთვის. ჩემპიონთა ლიგაზე პატარა იღბალიც საჭიროა. ფეხბურთელის რანგში ლიგის თასი არასოდეს მომიგია. როცა “იუვენტუსში” გადმოვდიოდი, ობიექტი სწორედ ეს იყო, თუმცა ამ ტიტულის დირექტორის რანგში დაუფლებითაც სავსებით კმაყოფილი ვიქნები. ყველაფერი ჩვენზეა დამოკიდებული. თუ ვითამაშებთ, როგორც ნამდვილი “იუვენტუსი”, დანარჩენ გუნდებს დავუტოვებთ მცირე იმედს, ან საერთოდ არ დავუტოვებთ მას.” – აცხადებს ნედვედი.

წყარო: Football-Italia