ანტონიო კონტეს წინასამატჩო პრესკომფერენცია
ლეონარდო ბონუჩისთან ერთად ვინოვოს პრეს-ცენტრს ანტონიო კონტეც ეწვია, რომელსაც ხვალ უშუალო დუელი თანამემამულე რობერტო მანჩინისთან მოუწევს : “დამაჯერებელი თამაში უნდა ვაჩვენოთ და საკუთარ მოედანზე სამი ქულა ავიღოთ.სატურნირო თვალსაზრისით ეს შეხვედრა უმნიშვნელოვანესია, ცხრილს დამაჯერებლად მადრიდის “რეალი” ლიდერობს, მადრიდელებმა თურქეთში საუცხოო თამაში აჩვენეს.”გალათასარაის” შესანიშნავი შემადგენლობა ჰყავს, მაგრამ ჩვენთვის დამატებითი მოტივაცია მე-12 ფეხბურთელი უნდა გახდეს, ანუ ატმოსფერო მოედანზე.”
ტურინში შეხვედრა სადებიუტო იქნება რობერტო მანჩინისთვის, რომელიც სტამბოლელებს სათავეში სულ რამდენიმე დღეა ჩაუდგა : “მანჩინის დაბრუნება მწვრთნელის რანგში გამიხარდა, გაიზარდა იტალიელი სპეციალისტების რაოდენობა ჩემპიონთა ლიგაზე.რობერტო ევროპაში ერთ-ერთი საუკეთესო მწვთნელია, წარმატებული როგორც იტალიაში, ისე მის საზღვრებს გარეთ.მასთან ასეთ მოულოდნელ შეხვედრას ნამდვილად არ ვინატრებდი, რამეთუ რთულია ტაქტიკურად გამოიცნო რომელ სქემას აირჩევს 2 დღის წინ დანიშნული სპეციალისტი.”
მადრიდის “რეალმა” თურქები საკუთარ მოედანზე 6-1 გაანადგურა : “საბოლოო ანგარიში ვერ ასახავს იმას, რაც მოედანზე ხდება, ამიტომ ხვალ მაქსიმალურად მოტივირებულნი უნდა ვიყოთ.პირველი ტაიმი “გალამ” მშვენივრად ჩაატარა, მადრიდელებმა კი მცირე მომენტიც გოლად აქციეს.ანგარიში რომ გათანაბრებულიყო, სიტუაცია ძალიან დაიძაბებოდა, თუმცა “რეალმა” შანსი ხელიდან არ გაუშვა და მეტოქეს 6 ბურთი გაუტანა.”
“კოპენჰაგენში უამრავი მომენტი შევქმენით, თუმცა მათგან მხოლოდ ერთი ვაქციეთ გოლად.დასკვნით ფაზაში ვერ ვიმარჯვეთ, დანიელების მეკარე კი მოწოდების სიმაღლეზე იყო.არ გაგვიმართლა, ის დღე ჩვენი ნამდვილად არ იყო.თუმცა, მირჩევნია ჩემმა გუნდმა ბევრი მომენტი შექმნას და მათგან ცოტა გამოიყენოს, ვიდრე საერთოდ ვერ შეუტიოს.”
ძირითად შემადგენლობასთან დაკავშირებულ კითხვას ანტონიომ ასე უპასუხა : “ნახევარდაცვასთან დაკავშირებით რამდენიმე კითხვის ნიშანი არსებობს, პოგბა და მარკიზიო სხვებზე უკეთეს ფორმაში იმყოფებიან.ტევესს გუშინ არ უვარჯიშია, მის მდგომარეობას მატჩის სტარტამდე დავაკვირდებით.ტრავმირებულ ფეხბურთელს მოედანზე ნამდვილად არ გამოვიყვან.ვუჩინიჩი ? – დერბიმდე ვთქვი, რომ მირკო ნაკრებიდან ტრავმირებული დაბრუნდა და ფორმის აღდგენა გაუჭირდა.ვნახოთ, გადაწყვეტილება ჯერ არ მიმიღია.”
წყარო : Juventus.com
ანუ პოგბა და მარკიზიო ძირითადში იქნებიან.. უ უკეთეს ფორმაში არიან სკამზე რატომ უნდა დასვას
იმიტომ რო ვიდალი და პირლო სულ რო ცალფეხები იყვნენ მაინც იქნებიან ძირითადში… ეს იუვეა
ფარჩაკი გუნდია ნაპოლი უბრალოდ ძაან დაბალი კლასი ააქვს იმედია ამ გათამაშებაში იუვე იტყვის თავის სიტყვას სხვა იტალიური გუნდი არ არის აბა რა დღეშია იტალიური ფეხბურთი
იმედია რაღაც უაზრო თამაში არ იქნება.
ეს ნაპოლი რაღას შვება ტო