კონტე : “გამარჯვება ნებისმიერ ფასად”

“კოპენჰაგენთან” მატჩისწინა პრესკონფერენციაზე ანტონიო კონტე ჟურნალისტების წინაშე ვინოვოს ბაზის პრესსცენტრში წარსდგა : “ხვალ ძალიან რთული და ამასთან უმნიშვნელოვანესი მატჩი გველის, უნდა მოვიგოთ, თუ გვსურს რომ კვლავ ვიბრძოლოთ შემდეგ ეტაპზე სათამაშოდ.თავს მშვიდად ვგრძნობ, ამის მიზეზი კი ჩემი ბიჭების თავდადებაა, რომლებიც ბოლო წამამდე თავდაუზოგავად იბრძვიან ნებისმიერ მატჩში.დანიელებთან 3 ქულა სიკვდილის ფასად რომ დაგვიჯდეს, მაინც უნდა ავიღოთ, “იუვემ” იცის, როგორ დაძლიოს დაბრკოლებები.”

“გულშემატკივრები ? – დამატებითი მოტივაცია გუნდისთვის, ჩვენი სტადიონის სამხრეთ და ჩრდილოეთ ტრიბუნები არიან უშუალო მონაწილეები იმ გამარჯვებებში, რომლებსაც ამ წლების მანძილზე მივაღწიეთ.მეეჭვება, ხვალ ისინი გვერდით არ იდგნენ, ბიანკონერების თითოეული ფანატი საყვარელი გუნდის გვერდით მუდამ დგას.”

“ორ ფრონტზე ვიბრძვით, სერია A – ს პირველ ადგილზე დაბრუნება ბევრს არაფერს ნიშნავს.მთავარია საკუთარ თამაშზე კონცენტრირება, თუ თამაშის ხარისხს გავაუმჯობესებთ, შედეგი თავისთავად იქნება.”

“ლიორენტე ? – ბასკი ფორმაში შედის.როცა ნანდო ჯერ კიდევ ახალწვეულად ითვლებოდა, მოედანზე ნაკლები სათამაშო დრო დავუთმე, შემეშინდა, თავი უცხოდ არ ეგრძნო.ლიორენტე მსოფლიო ჩემპიონია, უმაღლესი კლასის ფორვარდი, რომელიც ეჩვევა იტალიურ დატვირთვებს.მისი მთავარი პლიუსი ისაა, რომ თანამედროვე ფორვარდია, მოძრავი, შეუძლია საგოლე გადაცემაც კი გააკეთოს.განვითარება კიდევ სჭირდება, მეტად შედეგიანი უნდა გახდეს და მსოფლიო ჩემპიონატზე წასვლის შანსაც მიიღებს.”

“ტევესთან დუეტი ? – მშვენივრად გამოსდით.ფაქტია, მათ ძირითად შემადგენლობაში ადგილი დაიმსახურეს, თუმცა არც მათ ვივიწყებ, ვინც გასული ორი წლის მანძილზე ჩემპიონის სტატუსი მოგვიტანეს.”

წყარო : Football Italia