“ფიორენტინას” ვუჩინიჩის შეძენა სურს, მაგრამ დაბრკოლება “ტოტენჰემია”

ფლორენციის “ფიორენტინა” “იუვენტუსის” ფორვარდებს არ ეშვება, რამდენიმე დღის წინ გავრცელდა ინფორმაცია, რომ “ვიოლას” ჯუზეპე როსის შემცვლელად ფაბიო კუალიარელა სურდათ, მაგრამ პრესაში მალევე დაიწერა, რომ კუალიარელა უახლოეს მომავალში “ბიანკონერისთან” კონტრაქტს 2016 წლამდე გაახანგრძლევებს. ახლა კი ვიჩენცო მონტელას ინტერესთა სფეროში მირკო ვუჩინიჩი მოხვდა, რომელსაც “იუვენტუსის” ძირითად შემადგენლობაში იშვიათად უწევს ასპარეზობა და უმეტესწილად ცვლილებაზე შედის მოედანზე. პრესის ცნობით, “ფიორენტინას” ხელმძღვანელობას ძალიან გაუჭირდება მირკოს შეძენა, რადგან “იუვენტუსი” არ დათანხმდება ფეხბურთელის განათხოვრებას, მეორე ფაქტორი რაც ხელს უშლის “ვიოლას” ესაა შესაძლო ბარტერი “ტოტენჰემთან”, რომლის განხორციელების შემთხვევაში “იუვენტუსი” ლონდონელებს მირკო ვუჩინიჩს დაუთმობს, სანაცვლოდ კი ერიკ ლამელას მიიღებს.