Live : სატრანსფერო ფანჯრის ბოლო დღე – მოლაპარაკებები

00:00 – ჯუზეპე მაროტა ტურინში დაბრუნდა.მილანში გატარებული საქმიანი დღის შემდეგ ბიანკონერების გენერალურმა დირექტორმა ატაოტელი დატოვა და სავარაუდოდ, ტურინელთა სათავო ოფისს მიაშურა.შეგახსენებთ, რომ იანვრის სატრანსფერი ფანჯრის ოფიციალურად დახურვამდე ორ საათზე ნაკლები დრო რჩება და ანტონიო კონტეს განკარგულებაში ექვსი ფორვარდია, ფაბიო კვალიარელას ან მირკო ვუჩინიჩს გუნდი ჯერაც არ დაუტოვებიათ.ბებერ ქალბატონში ამ მომენტამდე მხოლოდ პაბლო ოსვალდო ჩაირიცხა, გუნდი კი პაოლო დე ჩელიემ და მარკო მოტამ დატოვეს.

21:30 – ფრედი გუარინის შესახებ საინტერესო და ერთობ უცნაური სიახლეების გავრცელება გრძელდება.რამდენიმე საათის წინ ფეხბურთელი თითქოს ახლოს იყო ტურინში გადაბარგებასთან და მოლაპარაკებები გუნდებს შორის აღდგა, ეს მართლაც ასეა, თუმცა გავრცელებული ინფორმაციით, კოლუმბიელის აგენტისა და “ინტერის” წარმომადგენლის შეხვედრისას საუბარი იყო კონტრაქტის გახანგრძლივებაზეც.როგორც სჩანს, ერიკ ტოჰირი ფრედის შენარჩუნებას გაუმჯობესებული ხელშეკრულებით ცდილობს, ვნახოთ, რას გადაწყვეტს ფეხბურთელი.რაც შეეხება ტვიტერზე განთავსებულ პოსტს, რომელშიც გუარინი “ინტერის” ხელმძღვანელობას აკრიტიკებდა, ამის შესახებ პერეირამ მოკლედ უპასუხა ჟურნალისტებს : “ფრედი იმას პოსტავს, რასაც ფიქრობს.”

20:30 – Sky Sport ტურინის “იუვენტუსის” გულშემატკივრებისთვის სასიხარულო ინფორმაციას ავრცელებს.საქმე იმაშია, რომ ფრედი გუარინის პირადი აგენტი, მარსელო ფერეირა მილანის “ინტერის” სპორტულ დირექტორს შეხვდა და მისი კლიენტის მომავალზე გაესაუბრა.როგორც აღნიშნული წყარო იტყობინება, მოლაპარაკებებში ნამდვილად არის პოზიტიური ძვრები და დიდი ალბათობით, საუბრები სატრანსფერო ფანჯრის უკანასკნელ წუთებამდე გაგრძელდება.აღსანიშნავია, რომ შეხვედრა გუარინისა და ნერიაძურის წარმომადგენლებს შორის მას შემდეგ შედგა, რაც ტელეფონით ერთმანეთს ბრანკა და მაროტა გაესაუბრნენ.

19:45- ტურინის “იუვენტუსი” ფრედი გუარინის ხელში ჩაგდებას მაქსიმალურად ცდილობს.ტუტოიუვეს მტკიცებით, ბიანკონერების ხელმძღვანელობას სატელეფონო საუბარი ჰქონდა ნერიაძურის წარმომადგენლებთან ახალი შეთავაზების თაობაზე.ჯუზეპე მაროტა მზადაა კოლუმბიელი ნახევარმცველის სანაცვლოდ მილანელებს ფაბიო კვალიარელა ან მირკო ვუჩინიჩი შესთავაზოს.რას გადაწყვეტს ერიკ ტოჰირი და მისი ქვეშევრდომები, ამას დღესვე აუცილებლად შევიტყობთ, რამეთუ სატრანსფერო ფანჯრის დახურვამდე მხოლოდ ექვსი საათი დარჩა.

17:30 – ფაბიო კვალიარელამ ვინოვოს სამწვრთნელი ბაზა რამდენიმე წუთის წინ დატოვა.ამის მიზეზი, ბუნებრივია, ის არის, რომ იტალიელი ფორვარდი მოლაპარაკებების ეპიცენტრში იმყოფება და დიდი შანსია, იანვრის სატრანსფერო ფანჯრის ბოლო დღეს ტურინი დატოვოს.მისდამი განსაკუთრებულ ინტერესს მილანის “ინტერი” იჩენს, რომელიც მზადაა ბიანკონერებს ფრედი გუარინი დაუთმოს.კოლუმბიელ ნახევარმცველს ტურინში სურს ასპარეზობა და გასაკვირი არ იქნება, თუ ბრანკა-მაროტას მოლაპარაკებები წარმატებით დასრულდება.

17:00 – სატრანსფერო ფანჯრის ბოლო დღეს ტურინის “იუვენტუსისა” და მილანის “ინტერის” წარმომადგენლები ერთმანეთს კვლავ შეხვდებიან.გუნდების სპორტული დირექტორების, მარკო ბრანკასა და ჯუზეპე მაროტას სასაუბრო თემა უპირველეს ყოვლისა ფრედი გუარინის მომავალი იქნება, რომლის დიდი სურვილი კარიერის ბიანკონერებში გაგრძელებაა.ნერიაძურიმ კი, თავისმხრივ, ბრაზილიელი ერნანეში უკვე შეიძინა და შეტევის გაძლიერების სანაცვლოდ, წინააღმდეგი არ იქნება კოლუმბიელი შუახაზელი გაუშვას, რომელთან ურთიერთობაც არც თუ სახარბიელოა.აღსანიშნავია, რომ ბარტერში, რომლის შედეგადაც ფრედი შავ-თეთრებში უნდა ჩაირიცხოს, შესაძლოა მირკო ვუჩინიჩის ნაცვლად ფაბიო კვალიარელა იქნას ჩართული.

წყარო : Tuttojuve