“ინტერთან” დაპირისპირებას ლუჩიანო მოჯიც დაესწრება

ტურინში “იუვენტუსის” ბანაკში გუშინ “ინტერთან” მატჩისთვის მოსამზადებელი კიდევ ერთი ვარჯიში გაიმართა. ვინოვოზე იმყოფებოდა პრეზიდენტი ანდრეა ანიელიც. მნიშვნელოვანი შეხვედრების წინ გასამხნევებლად ის ყოველთვის გუნდის გვერდითაა. აღსანიშნავია, რომ “ნერრაძურისთან” შეხვედრას დაესწრება “იუვენტუსის” ყოფილი დირექტორი, ლუჩიანო მოჯიც. ამასთან გავრცელდა ინფორმაცია, რომ დანიელ ოსვალდომ 18 ნორმიანი მაისური აირჩია (9+9) და იტალიური პირველობისა და ევროპის ლიგის შტურმისთვის უკვე მზადაა.

წყარო: tuttosport