“ლიონმა” ტურინამდე ხასიათი “ვალენსიენთან” გამოიკეთა

ტურინის “იუვენტუსის” მეტოქემ ევროპის ლიგაზე, ფრანგულმა “ლიონმა” საფრანგეთის ლიგა 1 – ში მორიგი მატჩი ჩაატარა და ამჯერად ერთ-ერთი აუთსაიდერი, “ვალენსიენი” დაამარცხა გასვლაზე.ოლიმპიკელები 30 წუთზე ბაფეტიმბი გომისის გოლით დაწინაურდნენ, წონასწორობა კი მასპინძლებმა 66 წუთზე აღადგინეს.სამიოდე წუთში “ლიონის” ნახევარმცველმა, ჯორდან ფერიმ ულამაზესი გოლი გაიტანა და სტუმრებს უმნიშვნელოვანესი სამი ქულა მოუტანა.რემი გარდეს შეგირდებს 51 ქულა აქვთ და მეხუთე პოზიციას იკავებენ, ოთხი ქულით ჩამორჩებიან მეოთხე ადგილოსან “სენტ ეტიენს”. შეგახსენებთ, რომ “ლიონი” “იუვენტუსს” ხუთშაბათს, 10 აპრილს ესტუმრება, პირველი მატჩი ტურინელთა გამარჯვებით, 0-1 დასრულდა.