ბონუჩი : ” ფინალში ასპარეზობას ერთი გუნდი იმსახურებდა და ის ” ბენფიკა ” არ იყო ”

” სიმართლე გითხრათ , ჩემი დაბადების დღე სხვაგვარად მქონდა წარმოდგენილი . დღეს კიდევ ერთხელ დარწმუნდა ყველა , რომ ყოველთვის უძლიერესი ვერ გაიმარჯვებს . ” ბენფიკა ” ტურინში ჩამოსული იყო არა ფეხბურთის სათამაშოდ , არამედ მის მოსაკლავად რასაც მშვენივრად მოაბა თავი . ბუნებრივია ყველაფერი ასე კოშმარულად არ არის , რადგან სულ მალე ისტორიაში ზედიზედ მოპოვებული მესამე სკუდეტო დაიწერება . ასე რომ ევროპა ლიგას მაღლა აწეული თავით ვტოვებთ . პორტუგალიელებთან ვერ შევძელით იმდენივე სახიფათო შეტევის შექმნა , რასაც ჩვეულებრივად ვქმნით ხოლმე მეტოქის კართან , თუმცა სამი ოთხი რეალური ეპიზოდი მაინც იყო . გავიხსენოთ თუნდაც ლუიზაოს ეპიზოდი , როდესაც ცარიელი კარიდან გამოიტანა ბურთი . ბენფიკა თავს შვიდი ფეხბურთელით იცავდა . ლისაბონში თავის დროზე ის შეცდომები , რომ არ დაგვეშვა , ეხლა მწუხარების ნაცვლად ზეიმი გვექნებოდა ” – განაცხადა ბონუჩიმ .

წყარო : Football Italia