მორატა : “მზად ვარ, ახალი გამოწვევა მივიღო”
“უდიდესი ისტორიის მქონე კლუბი და ერთ-ერთი საუკეთესო გრანდი ევროპაში”, – ეს ალვარო მორატას პირველი სიტყვებია ტურინის “იუვენტუსში” : “ბიანკონერებში თამაში დიდი ხანია მსურს, ამის მთავარი მიზეზი კი ის არის, რომ მათი ინტერესი მუდმივი იყო და არცერთხელ არ ჩაუქნევიათ ხელი ჩემს შეძენაზე, საბოლოოდ, აქ აღმოვჩნდი.მუხლჩაუხრელად ვიშრომებ და მჯერა, წარმატებას მივაღწევ.სერია A – რთული ჩემპიონატია, მზად ვარ, გამოწვევა მივიღო.ალეგრი ? – მას უკვე ვესაუბრე, მოთმენლად ველი პირველ ვარჯიშს ვინოვოზე.გამარჯვებისთვის ძლიერი საფუძველია საჭირო, დაწყებული დიდი მეკარით, ძლიერი დაცვით, ამ გუნდის დადებითი თვისებები მაშინაც შევამჩნიე, როცა მადრიდში თამაშისას ტურინელებს დავუპირისპირდით.ლორენტე, პირლო, ტევესი, ვიდალი, პოგბა…უმაღლესი დონის ოსტატები, ძალიან ბედნიერი ვარ, რომ მათთან ერთად თამაში მომიწევს.კონკურენცია ? – ეს ფეხბურთის ნაწილია, მეტად მონდომებული ხდები, რაც უკეთ აისახება გუნდურ შედეგზე.ცხრიანი ავირჩიე, მომწონს ეს ნომერი.მადრიდში შესაძლო დაბრუნება ? – ვიცი, რომ კონტრაქტში ეს პუნქტი დევს, მაგრამ ჩემი ფიქრები მხოლოდ ტურინში ტრიალებს.მინდა მეტად გამოცდილი, წარმატებული და გამარჯვებული გავხდე.”
მჯერა გაამართლებს და ეგრე მარტივადაც ვერ წაიყვანს მადრიდი დარწმუნებული ვარ თვითონაც მოისურვებს ჩვენთან დარჩენას და ძალიან დიდხანს გაგვახარებს თავისი გოლებით
